星之味 (佐敦)

偶爾經過呢條街~見到有間門面細細~寫住cake, cookies, chocolates既舖頭~
望入去燈光暗~但因為愛cookies同cake好奇心~催使我步入店內~
舖位唔大~一入到去左手邊放左約有12款cookies供試食~..而行前少少就食蛋糕櫃喇~
甫入門~店員隨即歡迎~並介紹曲奇餅可試食~

要試~當然要試店鋪最特別既款式啦~店員介紹左橙皮曲奇同士多啤梨曲奇比我試..
兩款都係幾清既款式..甩餅身厚度適中~脆脆地~食到濃濃既牛油味..
跟住試埋朱古力杏仁, 黑白芝麻, 榛子~
朱古力杏仁曲奇唔夠濃朱古力味~唔算好特別~坊間都有更多好選擇...
最後買左黑白芝麻曲奇, 榛子曲奇各一盒送比朋友..
試食時覺得黑白芝麻曲奇好香芝麻味..而且幾有口感..都唔錯~
而榛子曲奇係全店唯一一款質感鬆化, 喞花既曲奇..食落好有果仁味~
之後都試左蝴蝶酥同芝士條~但係都唔吸引我去買~
揀完cookies..見到隔離黎蛋糕櫃咁吸引~就揀下有咩岩先!

有三款蛋糕可供試食:我試左兩款..魔鬼蛋糕同香梨乳酪..
因為另一款係白森林蛋糕~一聽就覺得好甜~雖然賣相幾靚~但係都唔會博..
香梨乳酪蛋糕好light好清新~清甜既感覺…最適宜炎夏既下午去食~
我目標係朱古力/栗子/紅豆款式…所以買左一件魔鬼蛋糕同一件綠茶mousse栗子蛋糕..
店員建議購買蛋糕後最好約一小時返到屋企..但因為我仲要去dinner~
所以決定飯後22:30關門前返去拎~^^

返到屋企將蛋糕雪左一陣就急不及待要試喇~
雖然魔鬼蛋糕係買比媽媽~我當然切少少食啦~
蛋糕頂層有薄薄既朱古力..但係濃度都幾高~
跟住淡黃色部份係類似吉士mousse~夾有帶甜味既cherry…
而朱古力蛋糕部份好濕潤.有酒既成份~整體感覺好好!

而我既綠茶mousse栗子蛋糕, 賣相靚..先係綠茶mousse..跟住係綠茶蛋糕..
然後係栗子mousse..而底層係薄薄既清蛋糕~
最欣賞係裝飾用既既半塊綠茶macarooon~薄薄脆脆唔係太甜..
而綠茶mousse就比上面既濃綠茶粉搶左少少味道~但mousse不失軟滑~
蛋糕部份好軟熟~栗子mousse就甜左少少~如果有少少栗子粒增加口感咁幾好呢~
呢款都ok~但反而綠茶才是主角呢~

蛋糕$28/件...曲奇餅$36/袋, 價錢還合理
..由選購到第二次返去拎蛋糕時~店員服務都好好呢~
感覺幾舒服..又有耐性介紹產品…
買左Over $50送左一張9折咭~真好~又有藉口去買cake 喇..

肇順名匯河鮮專門店 (屯門)

難得係weekday既早上o係屯門..仲要大把時間唔趕返工..
梗係搵呀媽飲下茶..傾下計啦~~
剛開張時~黎過呢度食一次dinner~就冇再踏足喇…
都算幾多特價點心喎~未食早餐~餓腸滾滾~一於黎個早午餐先(順便叫多d帶埋飯)~
First round: 雪山叉燒包(兩個)$6.8, 上湯水餃$9.8, 蝦餃皇(兩隻)$8.8,
早晨雙寶$13.8(炒米粉+煎蘿蔔糕)

焗既雪山叉燒包先到..熱辣辣~包面脆~而且食到有牛油香及甜味~
而餡料除左有叉燒仲有洋蔥..濃味又帶甜..好味~不過好高脂高糖呢..

上湯水餃有三隻..仲有兩條生菜呢~!! 水餃皮又薄又滑~入面隻蝦好彈牙~又多木耳絲同荀絲..
好夠味..咬開有少少汁~~好食過好多地方~所以第二round再要多一客~留左兩粒黎帶飯^^

煎蘿蔔糕好油~不過蘿蔔糕好多粗蘿蔔.有臘肉而冬菇粒唔多~
食落唔粉幾清甜~試下都冇妨~

炒米粉都係太油喇~食左大約3成就裝落飯盒留返帶飯lu.

蝦餃皇唔錯~入面有三隻爽口蝦仁~個皮又唔會黏住筷子整穿而流汁..good~

Second round: 雪山叉燒包(兩個)$6.8, 上湯水餃$9.8, 牛肉腸$9.8, 蛋黃千層糕$11.8, 脆皮甜蜜蜜$3.8

再order水餃同雪山叉燒包係for take away~ comment同上~

脆皮甜蜜蜜都估到係蛋散架喇…有兩大件~唔夠鬆化~~不過幾抵食~

牛肉腸都唔錯~腸粉皮幾晶瑩透餡..不過如果唔係牛肉腸咁抵有特價都唔會揀~
因為知道酒樓既牛肉球係唔健康~而牛肉腸既牛肉都係一樣..

最令我有驚喜既係蛋黃千層糕..因為估到估唔到佢係模仿舊式o個款千層糕..
糕既質感鬆軟..比起傳統既又冇咁甜~入面都有鹹蛋黃同少少糖冬瓜~不過就欠缺有咬口既欖仁~
雖然唔係完全正宗~但因為非我預期之內~所以更好味呢^^

侍應服務都幾快手..會收食完既點心碟~一見到開左茶壺蓋又會加水..
而且等候食物既時間都好合理~

今次第一次黎~所以叫多d款式試下~順便帶埋飯~所以比正常貴左d~
但早市確係抵~茶錢$4/位..而我最欣賞係佢既點心好多都係兩件或者係兩粒為一單位~
岩晒我地成日都兩個人~但又想食多d款式既心態…
會再黎因為點心好多選擇~不過如果星期六/日就較難搵位喇…

綠林甜品 (深水埗)

每次去開深水埗都不忘食碗糖水先走..
因為抵食又好味~試過lunch黎就食閉門羹..
今晚三個人~要一人一碗糖水再share一客豆腐布甸..
我既熱芝麻糊…點知黎左暖既糖水~
平心而論~糊既味道係唔錯~不過暖既糖水又真係好難接受~下次寧願要凍都冇咁嬲..

朋友既芝麻糊溝紅豆沙都係唔太好~因為紅豆沙同芝麻糊份量唔平均~
只有好少紅豆~而且都都係唔夠熱..

而媽媽既南瓜馬蹄露就keep到水準喎~又多南瓜絲又唔太甜~
奇怪在佢o個碗係熱到出煙…

而豆腐布甸都依舊既好食~搖下隻碟..件布甸郁郁下~好好玩~
食落清清既豆味…再少d甜就更好呢~不過口感好滑係唔錯!

下次我要試好多人都order既喳咋~~再唔係就要返凍既芝麻糊好喇…

平記咖啡冰室 (紅磡)

年幾兩年前已早知此店既存在~但一直未有動力去試~
直至較早前見到有食家post左d食物相..好似唔錯咁~就同同事過黎試下先啦~
店舖一眼望晒~人多時要搭枱..
我要左個常餐-$28, 而同事就要左個扒餐-$32

扒餐可選豬, 牛. 雞, 魚..跟飯, 薯菜, 意粉或白飯, 另配有腸仔炒蛋..
而醬汁選擇有黑椒汁, 蒜蓉汁, 茄汁, 蛋汁, 咖哩汁
同事揀左黑椒汁豬扒飯..扒餐非鐵板形式奉上, 而係似碟頭飯..
醬汁比得好多~夠撈飯有餘..同事話豬扒熱辣辣新鮮炸~
但腸仔肉好淋..炒蛋加埋黑椒汁幾好味~
但平時大食既佢~今日竟然食淨約1/3.

我既常餐感覺好豐富..原本係火腿炒蛋配奶油多..但我唔食火腿所以轉左午餐肉..
奶油多好好食~微脆而包軟熟~醬既份量剛好~但係如果可以下次試下轉奶醬多先~
午餐肉幾好~約有0.5mm既厚度~唔會太薄冇口感..煎得唔夠香口~但勝在唔太油~
炒蛋有蛋味~雖然冇晒蛋汁唔夠滑....但都ok啦~~
蕃茄湯底金菇鮮牛肉米粉..好大碗~食唔晒..論湯底.. 唔杰身都唔夠蕃茄味~~
不過就放左好多舊蕃茄o係面..連埋較索味既米粉一齊食都唔錯~但米粉硬左d~
不過都係勝香同星座較出色啦~因為呢度反而似多左一款餸咁~算不上湯底..
鮮牛肉既份量都幾多~有d淋, 但又有d有渣…
呢碗粉既整體味道幾清~唔油膩..感覺健康d~

雖然常餐來來去去都係呢d款~但從佢搽厚多士既平均..
煎午餐肉而非炸..鮮牛肉切得細細易入口黎睇~佢地係有諗過..而且有心機的~

我地兩個都係飲紅豆冰~套餐加$4就有~
兩杯既紅豆份量不一..一杯多~一杯少~
紅豆係細細粒而且唔夠淋~可少d甜就更好~可惜侍應話飲品既甜度係取決於紅豆既多寡~
咁我寧願多d豆喇…

咁既價錢咁既質素~算係唔錯喇..
所以有下次!!

Crumbs (銅鑼灣)

星期六專登黎cwb買d野~順道過黎享用只有星期六既優惠先~
雖然食左tea~唔肚餓…但既然當dinner梗係要large size啦..
Top ping: mochi + blueberry + crumbs (free)..
第一次試呢間既yogurt, 之前黎呢度只買過crumbs~
Yogurt既甜度與酸度都幾平衡..鍾意佢奶味唔算重..
口感軟滑~酸酸地又夠凍~炎夏嘆杯確一流!!

另外,店員落配料落得好整齊..有層次..
先o係底部加house crumbs..落yogurt..
再加blueberry 同house crumbs..再落yogurt..最後再放上mochi~
賣相極吸引..唔會因為人多而求其! 而且配料份量足~抵佢人龍不斷~
House crumbs有口感..少少鹹帶牛油香~blueberry大粒又鮮甜..而mochi煙韌得黎軟熟~唔痴牙~

最開心係食完冇咁大罪惡感..又滿足呢~