豚王 (銅鑼灣)

整天聽人說，豚王的拉面很好食！

每每經過，也排長龍。試過幾次，排到一半，就不想排，走人了！

這一次，最後也食到，滿心歡喜！

這個是豚王款，叫最基本的，也不試其他。

走了蔥，換上了菜。也挺新鮮，但面量也過份地少了！湯，油了一點，對我來說，也偏鹹。

但還好，味也夠濃，只是湯不敢飲多，會鹹到飲多了水。面質偏硬，喜歡飲硬面的朋友，應該高興，但我偏好軟身一點。

食了幾口，也想不到為何豚王會大排長龍的理由？是人云亦云嗎？真奇怪？值得一讚，是這個溏心蛋吧？真的很流心的感覺。

但這要額外加錢的！價錢忘了！

一整餐，一面疑惑。如之前有人食評所說，「找不到ENCORE的理由」。

上海坊拉麵小籠包 (銅鑼灣)

位於銅鑼灣的上海坊。

價錢是二百蚊有找的一個二人餐！
算係抵食！先黎頭盤醉雞！
花雕酒味偏濃，雞也偏凍，還可。沙碢雲吞雞。湯幾清，雞也不會煲得老，不錯！
也是全餐最好的一個餸~~~揚州炒飯，炒得乾了一點。
也不夠煱氣。糖醋魚
魚似肥豬肉的質地，不像魚質。
我可是食過一啖後就無再食了！青菜，穩陣，無需再評吧？

上海小籠包小籠包的味道不錯。
只不過小籠包的湯汁也真係無乜！

未食過咁少湯汁的小籠包！真的有啲意外！！

最後，豆沙鍋餅！這個豆沙鍋餅好有趣！
比一般的脆得多！好似炸過咁！
略嫌油了一點以及豆沙溶少了一點！

總觀整餐飯，不錯的只有兩三樣。
基本上，我是不會建議黎食啦！><

可麗茶房 (葵芳)

兩個套餐。
本應最正常的豬骨湯面，卻只是味精湯！
而另一個炒面有色但完全無味！
沙律係算最好的！無技術可言的煮法。

咖哩角又係不知所謂，凍0既！

個綠茶飲品，無黎味道，同飲冰水一樣！

還有個湯，好似面粉湯咁。好結，唔好飲！
唔會再去任何一間可麗了！

Lava Java 咖啡西餐廳 (觀塘)

之前係觀塘返工，會見到有新店開張，就去一試！今次呢間，都係剛過了試業期。環境一流，好舒服～～一入門口，就有好大個水吧同蛋糕櫃。店內的枱椅設計，有兩種風格。枱不會放得太密、也不會有焗促感，感覺開揚舒服。食Lunch的時間，先是餐包加餐湯。是日是南瓜忌廉湯。餐包微暖，軟熟。南瓜湯略媒南瓜味不夠濃。Grilled Pork Chop with merlot gravy

燒豬扒配紅酒香草汁

HK$88

可以跟飯、意粉或薯菜。今次我就跟咗薯菜。個豬扒都煎得幾嫩滑，不用太大力就可以切開到。個紅酒汁都唔錯。

薯條是現炸，夠晒新鮮熱辣！Pan fried red snapper with black truffle cream

香煎海鱲魚配黑松露忌廉汁

HK$92

同樣可以揀飯、意粉或薯菜。而我哋呢款就配咗意粉。不得不讚，這裡的意粉控制火喉控制得剛剛好。彈牙而面質不會糊。夠晒爽身！

海鱲魚配上個黑松露忌廉汁，令整個餸變得更好味。唯獨，是嫌個汁唔夠，令意粉唔夠醬點黎食。Angel hair with smoked duck breast & asparagus in pesto sauce

露筍煙鴨胸天使面配意大利香草醬

鴨胸黎講，佢算煎得夠晒香、同樣夠晒金黃，好靚。不會煎得過熟，食起上黎仲有鴨胸的嫩滑。

天使面，同樣火喉控制得宜，不會有面糊的情況出現。個醬汁就淡咗少少，喜歡食淡味的朋友，可以考慮。不得不提，呢度啲咖啡唔錯。奶泡都打得幾好，咖啡同奶味適宜，過黎食飯可以一飲這裡的咖啡。而凍咖啡質素都唔錯架～～

尚上下夏 - 養生雞煲火鍋 (尖沙咀)

平時食得多雞煲打邊爐，以為一鍋兩味已經好勁！但原來一鍋可以三味的！尖沙咗山林道呢間尚上下夏，就可以揀一邊雞煲一邊係高湯湯底。食完個雞煲再加，就可以變另一個湯底，又幾過癮~~這裡的雞煲可以挑選麻度辣度。還可以揀雞是胸肉、脾肉還是其他。仲要係起埋骨個款。想要啖啖肉，就最愛呢款了吧？而個高湯你可以揀多款！我哋就揀咗個花膠濃湯底。打邊爐前，這裡有數款涼菜小碟，俾大家點黎食。包括有豆腐凍食、上海小食等等。而這個鴨舌是我推薦的其中一款。都幾入味下呢~~打邊爐配料方面款式都好多。先黎講講個魚片，是脆鯇魚片。夠新鮮而且是真正的脆鯇，夠爽脆。不是用上普通鯇魚頂替的。這裡的牛，很值得讚！不是一般的肥牛！牛味很濃，而且係厚切，食起上黎更有咬口。牛柳粒則是肥瘦均勻。食起上黎有著油脂感，另一樣的口感。香菇以及四色丸，是一般火鍋店有的食材。這個手打的魚丸三色，是比較推介的一款。打得夠力，所以食起上黎會夠爽。而且一碟三款口味有齊，比較迎合喜歡試不同味的人客。珊瑚蚌、貴妃蚌都幾新鮮。同埋都算大份量。有成十鬆件不錯啊~~這個蜆，是不錯的海鮮之一。無乜嘢沙，而且都算SIZE夠大。清甜，好味！平時打邊爐飲0既嘢飲到悶悶地，想不到這裡有另一款清熱解毒的飲品。是一款菊花蜜的飲品。大大杯，很解渴的~~

想不到，打邊爐一鍋三食也是很不錯！而且懶人雞煲，無骨很方便呢~~