No.5 Italian (銅鑼灣)

咁靚嘅景，想唔到係No.5餐廳？其實耐唔耐都會轉一轉啲小擺設，好鐘意呢度既景緻！！嘻，有鮮果Sangri～～好味啊～～～ 咁多人都鐘意飲，當然就一大壺啦～～新餐單，今次黎試新嘢！新鮮布拉達芝士配蕃茄果凍，風乾蕃茄，櫻桃蕃茄伴羅勒橄欖油

呢道菜，係Starter，擺盤好靚，好似幅畫一樣！！這一道，是蕃茄與芝士的完美結合～～一道Starter入面，就有三款蕃茄。右上是蕃茄果凍，很特別的製作方式，凍凍地，好似啫喱咁好得意。中間夾著蕃茄乾，令到較淡味的蕃茄凍夾著蕃茄乾食，令層次口感得以提升。同時令到蕃茄的味道更為突出。

仲有可愛的櫻桃蕃茄！三款配上新鮮的布拉達芝士一齊食，不旦可以中和了芝士的漏，令到整道菜式開胃得黎很有特色！是日精選餐湯，是鮮茄濃湯，打至茄溶狀態，酸酸甜甜，唔錯既選擇。

主菜，是任選兩款，分別有薄餅、扁面、比目魚、肉眼等等。海膽扁面配白松露忌廉汁

呢個一定要食啦～～海膽，都好大板下！！估唔到咁足料！用上白松露配上忌廉汁，好香滑、好好味。而這裡的扁面，是自家製作，彈牙好味！慢煮比目魚配時令沙律

這一道，想不到最底的，不是薯溶，反倒是青豆溶以及甘筍溶，感覺更為清新！比目魚以慢煮方式，外層微脆，香煎過，更為香口！咁厚的魚柳，想不到一切開後，魚肉係咁鬼嫩滑，這一道是驚喜啊～～～額外加錢，點了個很特別的提拉米蘇，想不到是這個樣子。微脆，很好味！底部仲有咖啡雪糕添～～～朱古力控，可以試一試個香濃的朱古力蛋糕！微苦，但很令人回味。配上個香濃雪糕球，更香滑～～

The Pudding Nouveau (大坑)

己經唔止一次，再去The Pudding Nouveau的大坑小店多次了。再黎，是因為聞說這裡出了新的菜式！！很喜歡這裡的環境，雖然店舖細細，但環境舒適。幾時先開大間啲0既店呢？！我就點了咖啡，因為這裡的咖啡，還是不錯！朋友就點了茶。龍蝦焦糖燉蛋配龍蝦肉燒蘑菇

賣相十分吸引，一黎就是半邊的龍蝦原隻上！都幾重本吧？！很香，很惹味的醬汁呢～～用上惹味的龍蝦醬汁，所以鮮味十足！而且細心地將龍蝦肉切至小塊，方便女仕們食用，十分細心。看，啖啖龍蝦肉，很滿足吧？！仲可以咁樣配面包食添～～另一邊，這是「龍蝦焦糖燉蛋」，是一道咸既菜式！很有趣～～ 好特別，而且仲可以配返個龍蝦黎食，又幾過癮～～龍蝦牛角包配黑松露薯條

朋友愛食這裡的牛角包類的菜式。全因為這裡的包都是自家製。牛角包特別鬆化酥脆～～配上大家碟即炸薯條，新鮮好味！個醬，勁肥仔！因為是松露醬，更加香同惹味～～個包入面夾住滿滿的龍蝦肉，再黎食，依然味美～～還點了一點忌廉藍青口，都算幾大隻，雪味不重。肉質不會太腍，感覺不錯。這道是新菜式！是特別配方的提拉米蘇，賣相好靚呢～～引入外國香濃蛋糕，令到個提拉米蘇的蛋味十分香濃！從未食過咁香濃香滑的提拉米蘇。而且很大碟，份量多，兩三個人食都得啊～～

Anchor’s Seafood and Beer House (荃灣)

想不到，荃灣效區，會有一間咁幽靜的自助餐。還要是面對住無敵大海景，嘆住個靚景黎食。Anchor's Seafood and Beer House

荃灣油柑頭青山公路汀九段123號汀蘭居地下餐廳很大，如果傍晚早啲到，仲可以睇住個海，欣賞日落咁食。好鬼寫意~~去親食自助餐，首要關心的是冷盤！雖然無生蠔，但有好多其他冷盤海鮮！分別有長腳蟹、扇貝、大蝦、青口、翡翠螺等等！！還有多款刺身任你夾，當然少不了有壽司！刺身不孤寒，塊塊厚切！而且自己夾，唔使輪候等人分配每位得三片。另一邊驚喜位，就係有多款CHEESE可以揀！仲要比出面款式多！而醃製煙肉類都有好多款選擇。這裡的牛豬雞扒都有，仲有兩款醬俾你。而牛扒，仲可以揀生啲或熟啲0既部位。好體貼的做法。開餐啦，同老公一個叫紅酒一個叫白酒。都算唔錯！先黎梗係食冷盤！值得一讚的，絕對係長腳蟹、翡翠螺！！！這裡的冷盤無乜雪味，也不會食起上黎水滴滴的。在溶雪處理上做得不錯。條條長腳蟹都前臂咁長！而且肉質好飽滿，好有蟹味！超正！我見到有人，一食就食咗幾十條。

而翡翠螺，都好爽脆、好彈牙~~仲有冷面，抹茶味，好特別！魚子醬又係值得品味的食品~~熟食，有汁煮大蝦同埋炒蜆！惹味之選！甜品方面，都有十多款的選擇，女孩子見到，實會好開心~~CHEESE CAKE、朱古力撻，邪惡之選~這裡的雪糕是DREYER'S，有五六款口味，任食任拎！我哋當然唔執輸都一齊食甜品雪糕啦~~ Marcaron 正啊！！最後餐茶可以係Coffee or Tea 或檸檬水、檸檬茶作結。好滿足！~~

Luxury (尖沙咀)

西餐私房菜，可以說是第一次食。今次有人帶食好嘢，當然十分興奮！！呢度，無門牌，十分隱蔽，但係環境十分寬敞、舒服。這裡是開放式廚房，廚房十分大，而且大廚更是五星級酒店大廚，黎到呢度開的餐廳！！如果是遇到紀念日，仲可以提早係Book枱時講聲，會有特別的佈置。係咁靚0既場地，還可以飲酒，嘆返個浪漫的西餐私房菜！！！！麵包籃，絕對是用心之作。一共有數款的麵包：香草、芝蔴、墨汁芝士四款麵包！而個醬，除了有大眾喜歡的牛油之外，還有很特別的千島醬塗麵包。Trio Baked Japan Hiroshima Kaki Oyster

（Rockefeller，Kilpatrick，Melted Cheese Mushroom）

日本廣島蠔三焗

（荷蘭汁菠菜、脆煙肉芝士、芝士蘑菇）

Starter有好多款揀，七揀一，而我就愛蠔如命，所以揀了廣島蠔三焗。一上枱，呢度簡直係超香呢！！一次過試晒三款特別焗製的廣島蠔。我會建議食的次序如下：先食了脆煙肉芝士、荷蘭汁菠菜、芝士蘑菇。日本廣島蠔，蠔肉飽滿，而且十分濃厚的蠔味，肉汁豐滿好味。三款當中，想不到有肉的中間那款脆煙肉芝士是最淡味的。煙肉十分香脆，而且份量不少。焗後，與嫩滑的廣島蠔有著一脆一嫩的口感。

而 左手邊的菠菜十焗蠔，想不到比想像中濃味。食落口，有點點菠菜絲，感覺特別。

最右手邊的蘑菇芝士是我最喜歡的。可能我自己很喜歡食菇類的，這一道蘑菇味十分香濃，與芝士配合在一起，有著互相輝映的濃郁及回味的味覺，而蠔肉的嫩滑與肉汁也配合得很好。Black Truffle Wild Mushroom Cream Soup

意大利黑松露野菌忌廉湯

呢度的湯款都有三款可揀，除了意大利黑松露野菌忌廉湯之外，還有法式干邑龍蝦湯及蕃茄蟹肉忌廉湯。

喜歡野菌湯，這一款黑松露可是不少！雖然野菌的粒粒無點大粒，但是湯的野菌味十分濃郁，而且很滑溜。加上黑松露的香，令人心醉。Hokkaido Scallop Lobster Sauce Risotto

北海道帶子龍蝦汁意大利飯

First Main是揀意大利粉、意大利飯這類。而這是四揀一，也是唯一一款意大利飯。十分香氣濃郁的一道菜！因為香氣是黎自惹味的龍蝦汁！！意大利飯的濕潤度適中，而且粒粒飽滿。咬落口有著咬口之飯還有著包裹著的龍蝦汁香味。每一粒飯粒都是精華所在。

特大粒的北海道帶子，有著微煎香的表面以及嫩滑的肉質，是點睛之作。Slow Roasted U.S. black Angus beef mignon with French dijon mustard and pepper crusted

慢烤美國極墨安格斯法式牛柳

平時食開了和牛、肉眼，今次改食牛柳。想較之下，這一款更有咬口、咬勁！！牛味比一般的肉眼更為濃郁，肉質是很有咬口、一絲絲的肉纖維，在口中你可以感受得到！而濃郁的牛味在汁醬的點綴之下，更添回味。用上慢煮的方式，令到肉質更為嫩滑，但不失咬口。五成熟，可以更確切地品嘗到牛的原汁原味。Coconut revolution (Coconut cream brûlée, jelly, ice-cream)

椰子革命

（椰子燉蛋，啫喱，雪糕）

呢個甜品好似藝術品咁靚，而且好特別，用上椰子作主角。最特別是有椰子燉蛋，蛋都幾滑，只係略嫌椰子味唔夠濃郁。而雪糕也是椰子作的，有點點的椰絲感覺。還有方形如方糖般的，是椰子啫喱哦，很特別的口感！整個甜品不會太甜，而且清淡一點。

整個套餐，食足咁多道一位先HK$450！用料勁靚好有心思的西餐，食環境、食質素都好值得！

Yours Milano (佐敦)

春天黎，又係到了食白蘆筍0既季節啦！想不到時令的意式小餐館Yours Milano，咁有心思地用上白蘆筍作為晚餐套餐主角。不時不食，當然而家要去試啦！！位於柯士甸的Yours Milano的格調，都好有風味。值得一去！餐廳室內的枱不是太多，但座位寬闊舒服。而且仲有室外的露天座位俾人揀添。每人都會有這兩款面包，有十分香脆的面包條，仲有鬆軟的面包呢。白蘆筍巴馬火腿卷伴香蔥牛油汁

第一道菜，就已經是白蘆筍了！想不到咁惹味咁香。個十，係初榨橄欖油及香蔥牛油汁，所以十分甘香惹味。而白蘆筍灼熱後，用上巴馬火腿卷起再煎香，外層煎至金黃色，再沾迾個惹味醬汁，令人回味。

白蘆筍一般是比較清甜，加上係啱時節储，所以特別鮮嫩而且唔會有渣。連里個火腿卷煎香後一同食，既有咸香，也有蘆筍的清甜。蘆筍忌廉湯

今次呢個湯，除了將白蘆筍以及青蘆筍炒香後加入忌廉打成汁，再慢煮咗成個鐘。入口储到兩款蘆筍的清甜，而且仲好滑溜。仲有一白一綠兩條蘆筍係度呢。食落口更有咬口，更有清新感吧。香燒車厘茄蘆筍炒意大利粉

呢個係另一個清新之選。除了主角白蘆筍之外仲有澳洲車厘茄。先將車厘茄燒香，再加入香蒜，更加香口惹味。

喜歡意大利粉的質地，不會太腍，比較彈牙爽口。而且不會太油，健康得很呢！香煎比目魚柳、白蘆筍伴檸檬牛油汁

主菜，我今次揀咗比目魚柳。這是黎自紐西蘭的深海比目魚柳。外層煎至金香，單看顏色，就已經十分靚啦。原來上碟前，仲要入焗爐焗咗5分鐘。魚肉肉質十分嫩滑，入口滑溜溜的，點上個鮮檸檬牛油汁，開一開胃，中和了魚肉的油脂味。加上白蘆筍以及青 蘆筍伴碟，很Fresh。燒肉眼扒伴白蘆筍及紅酒櫻桃汁

呢個肉眼扒是Around六成熟，用上澳洲的肉眼。很香、牛味好重。肉眼牛味香，油脂分佈均勻，啖啖肉的感覺太好。而個醬是用上塔斯曼尼亞櫻桃及紅酒做成的燒汁。所以個汁，會有櫻桃的Fresh，而且可以令牛肉變得無咁漏。配菜是白蘆筍，可以多了個爽脆的口感。雪藏蛋糕，呢個名好得意，其實是指Semifreddo的翻譯。是指半冷凍的意思。所以個蛋糕又似雪糕質地，好特別！食落口，個感覺令人難忘。而這次食的是杏仁味的，第一次食就上癮了！

Yours Milano
尖沙咀柯士甸道7號4樓
3974 0822