荳子 (馬鞍山)

深知呢間餐廳(好多分店)經常要等位,所以打消左我想試O既念頭
之前住荃灣,見果間分店條人龍永遠都唔會完..
而且鋪位又唔係大,坐得好迫咁,完全零意慾想試..

當日同朋友搵住去LDK食日本野,點知停業無開..
突然唔知食咩好,
openrice一下,見到有beans,所以過去望下,
因疫情嚴重關係唔駛等位,所以入去試下啦

環境都闊落,安排我地坐270圓的4人sofa位,
幾舒服,打開menu睇, style同牧羊少年真係幾相似,好似雜誌咁,好多彩圖

如果好似荃灣分店有set lunch 就好了~


比客人寫完鼓勵字句,收集後交比醫護果邊,好有心思呀~

order任何主食,都會有指定飲品送
我地2個女仔order左一份豪華英式全日早餐 deluxe full english breakfast $122
個冬甩麵包真係幾飽肚~有煙三文魚,煙肉,豬肉腸,烤番茄,黑松露炒蛋,茄汁豆同什菌


黑松露軟殼蟹意粉 $108
隻碟都幾大,但意粉份量唔算多,
黑松露忌廉汁個味唔算好出




跟餐送的桂圓薑母茶
個顏色真係深色到好似中藥咁,好濃薑味,飲完即刻暖晒

不過當日我地有d趕時間,否則可以坐下吹下水
呢度o既環境真係對得起呢個價錢的

壽司郎 (樂富)

當日係星期6, 最近好多餐廳都休業,或者只做外賣,

友人11:00am左右開始等,估唔到要等到12:30pm先有位~

第一次幫襯呢間分店,比起黃大仙果間就腳好多,出左地鐵站轉個彎,行多2分鐘都唔駛就到了

香港人真係好中意排隊等位食壽司呀
當日芭菲減價$22,即使果日凍,唔係好想食凍野,

但都係無阻我去食呀魔鬼又打敗了天使~~

當日迴轉帶相對無咩壽司...其實疫情期間,都係即叫即做比較衛生,

萬一有客人對住迴轉帶咳,咁d食物就出事了....保障返客人係好事
當日order第一輪,試左真.墨魚汁拌麵,真係好唔錯,又有好多蟹籽,
我都係第1次在呢道食麵類,口感唔錯,唔會好咸,墨魚的口感相當好~

黃金脆薯$12 好抵食,好大份,而且好新鮮,沙律醬似係千島醬?份量都好多呀!

炙燒芝士三文魚腩是我的最愛,真係每次都會order!!
蝦三味 好抵食,而且好新鮮~

黑色碟的原條海饅相當吸引,友人教我可以mix其他壽司同甜品蛋糕一齊食,
真係相當之特別,我都覺得饅魚係可以當甜品咁樣一齊食
尤其係梳乎里饅魚呀!一食落口就即溶,公公婆婆無牙力都可以照樣食得到~空氣感真係好強



天婦羅蟹腳壽司,好大隻~好少可以食到天婦羅蟹腳!都幾特別!
吞拿魚碎軍艦我平時好少食,但黎到呢度,點都要食下出名的鮮味吞拿魚~好食!!
茶碗蒸一如以往咁大碗又好多料,有菇,雞肉,蟹棒,帆立貝,又有濃濃的雞湯味,好滑


忘了前面呢碟叫咩名,但幾好味


期間限定的炸蔥赤蝦壽司,忘了真正個名~真係好濃烈的炸蔥,再配上淡淡的蝦味,呢款下次有機會都想再食


開頭上菜的惠方卷,完全包到散晒...我朋友叫職員過來,比佢睇下,
職員叫廚房再即刻整返新的一碟,再親自拎出黎比我地食
甜甜地,唔點豉油食已經好好味,仲有麻油香味tim!

第2個胃正式打開的甜品時間

巴斯克烤芝士蛋糕
cream比想像中大呀,酸酸甜甜的口感,再配上綠茶真係一流

綠茶蕨餅芭菲

我次次黎呢道都係食綠茶款,可惜撞唔到有期間限定的白桃款,否則都想試下

我地嫌綠茶粉唔夠,自己再添加



最後去到埋單時間,每人食左$170左右~飽到傻左

Jacomax (上環)

好耐無黎到上環,呢間鋪好就腳,

在EXIT A附近,當日星期6 唔駛等位,全場都係一對對情侶

我地呢對情侶點左2款野食,

 藍芝士蘋果Pizza - Gorgonzola & Apple


2個人總算食得晒,真係幾大個~
上次同幾個朋友都有食過呢款,覺得幾特別,
所以再食多1次先~
果然無令我失望, 好多人都怕藍芝士,但我就唔太抗拒的

呢款芝士係典型白色,高水份含量o既芝士,
特色是在芝士表面或深入中間,就能看到藍色或藍綠色o既青黴菌,
以及柔軟綿密又容易崩塌o既質地~

配上香甜的蘋果片,真係好match,又唔會好油膩,非常之特別呀!

中意食海鮮的男友揀左麥啤煮藍青口 Blue Mussels in Weiss Beer



用麥啤黎浸,真係幾香,連湯都可以飲埋~又唔會好濃
青口索晒D麥啤味,相當之特別
上菜果陣,職員比多1個木碗我地放d青口殼,
雖然要 $138,但係份量真係非常之多呀~相當之特別!
我今次同上次都係對住呢個bar枱位,好中意見到呢個裝飾,看得懂的大家也會懂的

好有格調的裝飾設計,很喜歡!!

點心到 (佐敦)

當日下午12:30去佐敦搵食,

在疫情下仍是人流好旺,咁岩唔駛等位,

我見之後黎o既客人都有少部份要等位,

我地2個人,好多點心都想食,揀d openrice 推介o既黎試下先~

我之前幾個月想同同事前來食過1次,

有次9個人想試呢間..但lunch hr 好難搵到9個位..所以放棄左

我地今次total order左6個點心,

牛柏葉好爽口,食到個底仲有爽甜白蘿蔔粒

鮮蝦餃  d蝦好爽口, 個皮唔會好厚, 都幾大隻!


 籠仔金銀蒜海蝦飯  
很大的一個籠~~不過略嫌d蒜咸左少少,有部份煎飯蒸得太濕,無左本身白飯o既口感..

有4-5隻蝦,都幾鮮甜,賣相好吸引,好大份!

沙律明蝦角 
卜卜脆,望落去好似油角,好熱騰騰,要小心慢用~
咬落去即刻見到有好大隻蝦,好爽脆~
再配上沙律醬,唔算好特別,可能我唔係特別中意炸物
中意食炸物o既人都不妨可以試下
前: 卡通流心芋蓉包   後: 黑金流沙包
呢度o既包點比較mini,
不過都好,唔會食完飽到食唔落其他點心...

公仔包個表情真係幾cute,可以用來打卡影相,
可惜有一隻蒸到個樣朦左...
芋蓉唔算好多,唔算好甜,正正常常

黑金流沙包食落去都幾有沙的口感,唔會好甜,
唔會一食就爆晒出黎,都幾好味~


total $175,每人$3茶芥
如果有壺茶比d客自行加會比較有效率...
不過呢度都坐得有d迫,如果有食客介意人同人之間的1.5米距離,呢度就唔係咁適合..

而家好多酒樓都全日停業,所以呢度食客都唔少,
見到好多外賣單,做都做唔切,即使堂食都要等起碼15分鐘先有第1籠點心食

準備去埋單,職員好離奇問我地枱面果2張紙巾是否用過...我地話有..
如果我話無,係咪就信晒d客,幫人地處理返?!
佢叫我地自行拎出去掉..我心諗佢執果d餐具有晒客人o既口水,點都唔會乾淨得過果2張紙巾啦...
廢事同佢嘈...自行拎出去掉.........

激安之殿堂美食廣場 (九龍灣)

鋪頭面積比想像中唔算細,

假日來行都係比較多人,

等左15分鐘先到我地比錢...

但係donki投資左咁多錢在香港不斷開分店..

真係要好好證在客人角度諗下,投資自助付款機比客人比錢..

有時買得幾件貨...真係唔想花太多時間排隊....

今次買左1件綠茶千層蛋糕 (原價$35, 用左2月優惠coupon 減左$5)

記得第1次在尖沙咀分店,老遠買返去食,

買2件裝會平少少,如果單1件,綠茶味會貴幾蚊

但真係好香濃日本綠茶味, 平日唔中意cream的我,

都好多時會買呢款甜品黎食,

真係好邪惡!