為食黑白糖 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2022-03-14
當日係星期日, 由碼頭落船就走過來沙灘,一定會經過故鄉茶寮 真係從來都未試過行呢段路如此少人.. 旁邊的小食店有好多間都無開門... 情人鎖果個Area完全一個人都無...... 香港真係變得好蕭條.... 我從來都未試過黎呢道買紅豆餅係完全唔駛排隊... 而且一個人都無... 幸好呢間小店有開門做生意, 行山前要食d野補足體力先, 買左1個紅豆餅 ($8) 貪新鮮試1個芝士紅豆餅 ($14) 都係中意原味多d,反而我覺得就咁芝士餅,唔加紅豆, 個味道會比較夾, 而家半咸半甜,感覺有少少怪,始終唔算好夾 但芝士幾好味,有少少可以拉絲 紅豆餅仍是餡料有好多紅豆,而且粒粒分明,甜甜蜜蜜的感覺~~ 好中意呢度o既紅豆餅是暖暖的,有薄薄的牛油紙包裹住來吃, 我地買完就坐在鋪前的椅子慢慢品嚐 我就從來都未食過呢度o既手卷,感覺用腸仔整o既話,真係好港式~好神奇的日式與港式mix! 下次都係食返原味比較好~ 推介美食: 紅豆餅
評分: 味道 4 環境 4 服務 4 衛生 4 抵食 4
2022-03-14
當日在山林道搵食, 點知好多cafe同埋餐廳都關門, 有d餐廳只做外賣.. 我地見樓下個餐牌,寫住呢間餐廳營業中, 搭lift上去睇下是否屬實~ 幸好真係有營業~ 不過我以往同同事lunch time上來都係比較靜, 一直都係唔駛等位,當日也不例外~ 安排坐窗邊, 如果推出set lunch就好了, 此店一直都係用單點menu, 有精美圖片就真係可以有圖有真相 今次我同樣想食雞脾飯 男友點了招牌巴東牛展肉飯 (上),醬汁清甜,唔會辣,d肉好淋身 我點的惹味醬雞脾飯(下),個脾比較短身,就咁睇有d似雞扒. 啖啖都係肉,當然有骨,不過也要小心食用 今次無圖片中秋葵,有不少青瓜絲,好爽口~ 另外order左 雙色咖央多士 餡料有厚厚的鮮牛油,再加上咖央醬~好清香 呢款小食,我前兩次order都係紅絨毛色加上竹炭色的麵包, 今次係班蘭色加黃色,我朋友見到張圖片話覺得好似百潔布..喂呀 雞軟骨串燒兩串 沙嗲醬好香又唔會辣,對我來說,食多d都無問題!! 肉質很不錯,好jusicy! 而且兩旁都有窗,好光猛,人都醒神d 有自助水bar可以斟水飲,幾乾淨! 當日我地坐到2:40離開,我地已經係最後一枱客離開了..老闆娘話之後都未必有客入來, 佢地推出左真空凍肉包,都有客會買,放在冰格的話,大概可以放1星期左右 佢地亦有做晚市外賣,不過樓上店外賣,在尖沙咀區, 相信真係要熟客仔才會光顧 而家入夜後,香港的油尖旺區真係靜到人同車都好少好少.... 希望疫情可以盡快離開地球...回復原有的生活 推介美食: 雙色咖央多士, 惹味醬雞脾飯, 招牌巴東牛展肉飯
評分: 味道 5 環境 4 服務 4 衛生 4 抵食 4
2022-03-14
當日去掃下街,好多野都想食 雖然果陣撞正tea time,其實有炸雞髀加薯條set可以點, 下次都想試下個粥~ 當日都有唔少人等外賣~ 我地都要等左10分鐘多d 見店員都好忙,呢個時期生意都可以咁好, 真係相當之難得呀~ 我去左咁多次長洲,真係未試過見到人流如此的少... 雞脾可以揀唔辣,有好多種唔同的辣度, 真係岩晒中意食辣的人, 肉汁滿滿,而且唔係一般有炸皮的炸雞脾~~ 口感嫩滑,相當唔錯呀! 推介美食: 炸雞髀
評分: 味道 4 環境 3 服務 3 衛生 3 抵食 3
2022-03-14
當日行完山,食到飽飽之際, 男友話要買手信比我屋企人, 去左呢間餅店,見到新鮮出爐的一口蛋撻同埋一口椰撻 在市區真係好難見到呢d mini tart~ 果陣岩岩新鮮出爐,真係好香好吸引呀, $15/6個~~ 蛋撻全部都係曲奇皮,蛋香好濃,唔會好甜,好滿意 細細個,食幾個都唔會覺得heavy (肥胖是這樣煉成的) 椰撻真係好耐無食過, 比較甜,滿滿的椰絲,個撻皮都好脆, 之前我黎過咁多次長洲都無幫襯過, 男友做足功課去搵好野食, 在呢幾條街,真係食左好多正野,係我之前都未食過,haha 下次再黎,一定會再買黎食呀~ 另外我再買左好耐無食的嚒囉酥 市區真係好少餅店有得賣呀~希望嚤囉酥不會被消失於時代巨輪 差唔多一個掌心咁大,脆皮, 幾有口感,鬆軟香甜的童年味道 用酥香的皮包著冬瓜蓉,味道同老婆餅好接近,冬瓜蓉加上少許芝麻,內裡煙煙韌韌,甜甜地~ 推介美食: 蛋撻, 嚒囉酥
評分: 味道 4 環境 4 服務 3 衛生 3 抵食 3
2022-03-14
我從未試過假日去長洲玩樂是如此的寧靜... 當日11:00上快船,船上多數都係銀髮一族, 周圍都好少人,好多鋪頭都無開門... 落船後先去行山,之後2:00多就去搵食 我有差唔多1年無去過長洲, 都唔知呢1年多開左呢間鋪頭 都接近市中心同碼頭,都有十幾人圍住餐廳門口等外賣同等位堂食 我地最後都要等左差唔多廿幾分鐘先有位... 懷舊小店總是特別吸引一眾年輕人去幫襯, 牆上的食物圖片都好吸睛, 睇見都流晒口水 我地試左其他食家也一致推介的 黑白土匪煎餃 及 蜆肉芫荽蒸餃 套餐 係一款飯 / 主菜跟一杯飲品~ 跟餐送四季春茶 淡淡的青香,常溫, 茶杯都好懷舊,有特色,不斷影相打卡 久等的蜆肉芫荽蒸餃來到了~有2大籠, 一睇就知道蒸餃皮好薄,餡好多,真係CP值好高呀~ 好新鮮的蜆肉同豬肉,呢款真係清清地又好特別~ 個皮有d煙韌~相當唔錯呀!! 旁邊的調味料器皿也是很有特色~ 好可愛 食到中途黑白土匪煎餃就到了~ 金黃色的脆皮,好惹味,肉汁好多,真係食完一口就會接住想食第二口~ 滿滿的黑芝麻和白芝麻~餡料唔會好咸,咸度岩岩好 不過要小心熱燙~ 加左$12配左杯特飲,比想像中好細杯...其實只係四季春茶加左少少荔枝粒同埋爆爆珠... 真係唔太特別...所以試一次就夠 推介美食: 黑白土匪煎餃, 蜆肉芫荽蒸餃
評分: 味道 4 環境 3 服務 3 衛生 3 抵食 3
|