大興餐廳 (第尾牛扒) (太子)

步出殘舊的升降機，一進店內冇店員帶位，只有收錢亞姐指指下叫我座最後窗位附近，一d禮貌都冇。全程2位企堂好似冇帶靈魂返工，落單沒精打彩，唔想做的那樣。

好啦，牛扒飯到，賣相肉酸，d肉左搭右搭砌成一碟但心諗牛扒專門店差極有個普，但原來錯哂，件扒un到飛起，又煎到柴皮底，肉冇肉味過哂火位點食呀，五十幾蚊午餐食碟垃圾？ 食完汁送飯後想埋單仲離普，等極冇人，見其他食客也不耐煩親自出去埋單，我唯有也跟同行事，呢間餐廳是否等執笠？ 一定永遠冇下次！

La Kaffa (大角咀)

放半天假享受下人生，專程嘆一下La Kafaa o個個All Day Breakfast (聽聞好正)，12：30到左，唔洗等位，我沒有多挑選sets，因心目中己有定案，要有Egg Benedict的E2(未吃過想試試) 。
門面裝修不錯，甚有歐陸feel，但比較奇怪的就係收銀和職員，是沒有uniform的，好像好part-time和不專業的，以咁既門面&環境奇怪d 。
今日氣溫尚算可以，我選擇了坐出面( 好似氣氛正d）。但惡夢開始出現，枱面還是油淋淋，地下亦沒有清理好(有雀屎和垃圾)，沒法子 (冇哂枱） ；首先店員上了杯咖啡，賣相唔得、沒有香濃咖啡味、飲落像奶茶般，想想我平日飲開的二合一還比它出色啊！
不一會，Main Course 到來，嚇了一跳，$98的餐果然份量十足，開始驚食唔哂，賣相正好多，不過要試下好味先知。碟上有全麥多士、Egg Benedict、脆皮腸、豬肉腸、辣香腸、脆薯餅、煙肉、磨菇、粟米和什菜。【多士】微暖，不脆，勉強可以
【磨菇和什菜】涷的，磨菇濕淋淋沒菇味、硬身，難吃
【粟米】不新鮮，應該係放在水中太耐至顔色暗淡微黑
【香腸】無論是什麼腸都是微暖，沒有腸味(可能亦係長期浸水中保溫所至)，唔好食！最離普的是脆皮腸(皮不脆，是淋皮的)，咁簡單的一道都整唔掂 omg... 
【薯餅】都可以，脆口，煎至金黃色，Okay呀
【煙肉】這個亦都Okay，不肥膩不乾身，味可以
【Egg Benedict】最正係蛋汁長流，鬆包加上芝士非常惹味，全碟至正係呢個；不過好似唔太正宗，點解中間冇Ham既 ???
沒有想過同其他OR食評有咁大嘅落差，雖然室外有好外國feel，可以放下狗，但食物質素和衞生都係重要一環，試了一次便算，下次再試另一間正宗d嘅Egg Benedict。

嘉麗園潮州粉麵餐廳 (元朗)

一個月前的後記。

那天與友人們一同來到元朗一日遊，聽聞有間名叫嘉麗園的潮式牛腩聞名非常，於是便慕名而來。
這間鋪以紅色為主題，門面相當搶眼，好容易便搵到。舖內人頭湧湧，好不容易才找到位子來，看看餐牌，食物牛款式甚多 〜 有頭腩、賓沙、邊腩、牛4寶、牛丸等；但自問冇膽試那個4寶... 牛子、牛開心、牛鞭和牛春袋，於是叫了那個店員推介的賓沙腩麵。 這兒一坐下最低消費為$50，好貴，但原來看看餐牌，一碗麵也要$50元，當堂吃一驚，元朗的物價也高了那麼多呢！
不一會碗麵到了，賣相算不錯，賓沙腩足料，試一口非常䭃，肉味十足，好材料！但上湯偏咸，估計味精很重，吃完有口渴之感，麵條普通沒什特別。以$50元性價比來講係超貴，在旺角或其他地方可以吃到2碗喇！而這兒地面亦很油滑，枱面及餐具亦不什潔淨，感覺不太好，吃完亦趕快黎開呢 ...

試了一次便夠，主要係偏貴，我覺得最多只值$3X質素，評分介符OK到喊面之間啦，綜合10分滿值4分罷。

美國星期五餐廳 (尖沙咀)

從團購買來的一份Friday午餐，昨天終有時間品嚐啦，昨天一進去令我嚇了一驚，點解中午1時許只得六、七枱人客，當年堂堂一家大型美國餐廳會咁少人客去幫襯?從Menu上揀左個燒豬肋骨+滋味雞翼+薯條

坐了5至10分鐘，食物排山倒海的送來，首先係 羅宋湯、Iced Lemon Tea、Cesar Salad、燒豬肋骨+滋味雞翼+薯條。羅宋湯好酸偏濃，並不習慣，熬制牛肉湯的香氣亦缺少。

凱撒沙律賣相極差，好像他人吃淨的 / 廚師亂整一通，油炸麵包得1、2粒 (完全沒有焗至金黃色)、巴拿馬芝士得零碎係上面、沙律汁過多及得個酸字，完全失去凱撒沙律的靈魂；羅馬生菜新鮮極亦都補嘗不到了；而香脆的風乾火腿亦沒有呢。

燒豬肋骨醬汁酸酸甜甜，好味，但豬肋骨肉少骨多，味道可以；滋味雞翼好難吃，辣椒醬滿佈雞翼，得個辣字及咸，雞翼亦偏乾身；薯條不夠熱、淋身，不合格。

這裡的侍應完全沒有勤快和朝氣，當用膳完畢完全沒有自動自覺收拾杯碟，清理桌面。

最好的竟是最後的一道甜品 ，雲厘拿Ice-cream，賣相吸引，雪糕面還唧上朱古力醬，有誠意。整體來說，Friday質素比以前真係差了好多 ，怪之得沒什麼客人，相信團購的生意再亦幫不了多少吧 。

金鳳大餐廳 (尖沙咀)

金鳳的大名已聽過不少次，往時6:00pm許在那長沙灣舖已見大排長龍 『係咪咁正呀』: 心諗

這天中午不期然行過山林道，又見到金鳳了，但呢次係無人的，好奇怪；兼且午餐價錢竟然只須$30大元，一間咁出名而坐落尖咀地區嘅餐廳竟会如此便宜，我當然唔會放過此機會喇 。

7成滿座，入去無侍應招呼，無所謂便找個位坐下去。望望Menu，見有牛仔柳餐，lum 住大餐廳的牛仔柳一定唔差，so 便 order 一份。

眼見待應手腳非常〝那西〞，餐具排都不排好，一手一渣放哂係枱，枱面又唔抹，好不乾淨呢

有野食了，個餐其實好豐富 : 餐包、羅宋湯、牛仔柳薯菜、凍Lemon Tea 餐包 - 全餐最好，估唔到超軟又熱辣辣，好味
羅宋湯 - 味可以，材料亦十足，但敗筆在唔夠熱，及唔夠濃，一般
牛仔柳薯菜 - 賣相好吸引，但牛仔柳肉一切落去已覺唔掂；霉霉淋淋的，一啲肉質感也無，味道還接受到，但點可以上抬架 。薯條偏淋、無味又唔脆；大白菜整得過耐，好 un 呀！

呢間真的傳說中的金鳳？點解會咁差勁架 ，可能真的一分$$一分貨，「糊口可以」，但我真的 prefer 賣貴o的做好o的喇，呢間無下次 law。