金龍堡 (屯門)

呢幾年叫外賣.. 但原來屋企樓下嘅外賣一直被我忽略。最近經過金龍堡..係外面望下menu有咩早餐食，然後該店的一位年長的姨姨好熱情好親切咁同我介紹。我問佢50蚊埋唔埋到單（因當時身上只有50蚊）佢話邊洗50蚊咁貴呀。入嚟食啦😆我問完都覺得自己傻左lol...反正住左係度咁多年都未係度食過野..而我都承認我都幾睇門面同裝修...不過而家人大左就無咁膚淺..好吧，就比個機會大家啦。

入到去睇下個早餐牌..d配搭和食物款式都幾特別。不過由於最近愛上食沙dad牛肉麵就叫左A餐轉出前一丁。沙嗲湯底幾濃牛肉都幾好，茶左牛油嘅三文字一睇都知軟熟（雖然賣相一般），因為我怕熱氣所以唔烘底我都ok..奄列都ok丫。最後埋單當然50蚊有找係食野嘅時候我不忘留意店家嘅動態..感受到一般市區餐廳感受不到的街坊情和人情味。




自從食過佢嘅早餐，就不期然會想試埋佢嘅午餐好耐無試過打電話叫外賣了。。然後不到15分鐘門鈴就嚮了..快到嚇了我一跳。我仲話咁快手嘅送外賣的是白頭髮的伯伯，當時我要花時間拎錢，佢好好人咁叫我慢慢唔洗急..當然我是不敢怠慢要他等。今次我叫了乾炒牛河和豆腐班腩炒麵，盛惠103蚊。好抵呀！如果叫外賣平台都唔止呢個價錢，而且仲要係即整。送到來都十分熱的。乾炒牛河好有鑊氣。係好食的不過就油左d...豆腐斑腩係我嘅最愛，好好味！個炒麵更係令人百吃不厭。。因為我之後都有再encore😆個炒麵係炸過的..雖然佢唔係全部都脆卜卜...有d更係被汁沾濕了，但都好好食..咁咪仲無咁熱氣囉🤣

之後幾次再叫外賣時已由膠盒轉左做發泡膠盒。感覺好似再大份d🤔同埋幾時都係咁足料，份量好多㗎！我絕對係豆腐班腩嘅fans..食極都唔厭😂涼瓜牛肉係我嘅第2最愛，涼瓜甘得來又有口感。佢嘅鼓汁整得好好味配炒麵都好夾。


然後呢個係落去自取的。粟米班腩飯係特價餐40蚊咋。雖然個汁唔算係好出色但對得起呢個價錢。

呢幾次嘅飲食經驗令我反思平時嘅我經常被美觀嘅包裝迷惑，未試過就覺得佢一定唔好食。而且老店可以係村內生存咁耐一定有佢嘅意義同原因。下次我會再試下佢炒麵和班腩以外嘅美食，龍門居嘅街坊都試下啦😊（好耐無試過打咁長嘅食評，因為我想呢間餐廳被世人看見😜)或者可能我係井底之蛙，大家都試過哂😂

大拇指食坊 (觀塘)

如果我自己搵野食, 我應該唔會去呢間餐廳食...
因為...其實我都係一個睇外表多D既人
這間店有點飯堂FEEL, 不過都好乾淨同座位都企理~
我們去食的時間只有小貓3, 4隻
直覺就係呢間店一定麻麻~
因為這店是在朋友公司附近, 就陪她試下佢地既雞煲吧！
(朋友說他們上下午是賣米線的, 晚上才有雞煲)
因為我唔係好食得辣，所以叫左bb辣~~
好了~雞煲來了~~雞上面cover了很多的荽西,睇落好吸引!
其實今次係我第一次食雞煲~估唔到真係咁好食架
雞肉十分嫩滑,又好入味~好喜歡佢既汁~連埋荽西一齊食very good!!
而且微辣很容易入口, 唔係好食得辣既朋友可以試下叫bb辣~
除了雞煲外, 是次套餐仲包左汽水任飲同埋每人5串串燒~
朋友揀左鹽燒秋刀魚, 真係一大條架!! 佢地成條食哂應該好好食啦~haha
我就揀左雞肉, 牛肉同雞翼串燒....~~E, 味道+質感好OK woo!!
因為我平時好怕d串燒燒到好dry~但佢燒得恰到好處, 好juicy, 好好味!!
另外佢仲有自助火鍋bar, 佢d墨魚丸同魚蛋真係好好食呀!!!(仲有好多野揀tim)
好食過街市果d丸 lol!!! 真係對這店另眼相看!!
原來食野都唔可以睇人數同睇外表!
不過可能佢個位置係工廠區, 晚上d人放工番哂屋企所以人流先咁少啦~
anyway, 食完之後已經掛住個雞煲喇!!!
我下次一定會再去!!
btw, 間店個伯伯(唔知waiter定boss) 好nice架~~超好人的哩~~~
咁親切的服務態度+咁經濟的價錢出面好難搵到架喇~

花園餐廳 (觀塘)

這絕對是和朋友聊天的好地方。這兒跟旺角那間明顯不一樣，環境不算很暗，地方闊落，而且侍應和d姐姐態度很好，收野時都很有禮貌，我地食完野之後再傾左好耐計都無間接地趕我地走，令我地感覺很舒服^^


講番食物方面，我地都揀左西冷牛扒五成熟，朋友碟上，我就鐵板上。五成熟出來的感覺很好哩！唔會好多血，好juicy和有口感，真係好好味！其實我本身食野比較快，我食完朋友仲未食完，其實比多塊我都食得落架XD. BTW, 唔知點解呢，我朋友碟上反而有粟米粒而我就無@@係咪放少左呢？大家下次幫我留意下丫 ：P

今晚105蚊埋單，其實都算抵架喇嘛！我地下次仲會再來的！

大鐵碗和魂拉麵 (紅磡)

原本LUNCH想特地走去紅磡區食滑蛋, 點知冇開門, 就唸住睇下附近有咩好食
好多店都食過想試下新野, 點知發現呢間大鐵碗和魂拉麵好似新開張~
(仲記得之前呢個鋪位又係食日本野的~都唔錯架~咁快就執左@@)
睇下佢門外個餐牌, D食物款式都係果D大路野, 主要食飯呀, 拉麵為主
睇落普普通通咁, 但個價錢都幾吸引~因為唔係好貴~大約三十幾蚊就有個飯/麵
於是就入去試下啦! 環境都幾乾淨~幾靜~小貓三四隻咁~
店員都好nice~仲同我地推介好多人都order的餐~就係咖啡飯同埋,,,,,忘記左^^"
好喇~d飯黎喇~~賣相唔錯bor~起碼吸引到我的食慾!呢個係我朋友order的~d咖哩唔係甜果d, 幾好味!!!唔係淨係我curry架~仲有好多配料~真係好有heart一d都唔求其~!! 咖哩初食時唔覺辣~慢慢食多d就開始feel到少少辣喇~
如果你好食得辣應該唔係好岩你~哈哈~至於d蝦~真係好新鮮~不過就唔係睇落咁大隻, 因為d炸粉厚左d~不過味道係唔錯的~呢個玉子炸豬扒飯就係我架喇~開頭都驚佢d肉鞋架~點知口感幾好woo!!!比我上次食果間Izumi Curry Grill的豬扒更有口感更好食!!旁邊的伴菜用來"lo"飯岩哂~不過如果有d汁會再好d^^" 因為我自己都"畢"左朋友少少咖哩汁黎送飯 呀~未講玉子tim~~原來就係佢~初時仲以為係黃色果d~hahah~~佢係類似溫泉蛋的蛋~不過佢入面就係糖心的~好好味呀!!!呢個滑蛋蠔飯係我朋友order~d滑蛋一d都唔流~唔係勁多生粉果d"獻"lo~真係好egg架~~
炸蠔又係炸粉厚左d woo朋友說~不過隻蠔都係好新鮮喔~我一睇就睇得出@@v  另外, 由於該店BOSS聽到我朋友好食得辣~特意比左少少辣醬我朋友送飯~我朋友話好好味~仲想買TIM呀~可惜BOSS說佢地唔賣啦~哈哈~

食完之後我地個個都覺得值得再黎多次!! 估唔到一間唔係咁令人起眼的店竟然有不錯的水準~絕對比出面好多大集團式的食店好食和抵食~!!希望佢繼續努力KEEP住個水準啦>"<

聽BOSS講佢地遲D仲有SUSHI食tim呀~~~

HeyYO!! (屯門)

係市中心行街, 經過呢間店時忍唔住駐足觀看,
睇下有咩正野食!
佢比PPG多左D杯裝甜品~好似幾得意咁
不過今日行到好熱...可能岩岩血拼完XDD
最後決定食HeyYO!!!乳酪!
平時都係食開第間, 呢間都係第一次試
當比面ppg試下啦~~反正有位坐係度食~
仲有大電視睇~~正~!!
估唔到YOGURT都有唔少味道揀!
不過我都係like原味多d~~
喜歡佢既質感, 唔會太林, 而且味道岩岩好, 唔會好甜, 岩哂淡口味的朋友^^
下次經過一定會再試
如果玩埋佢fb個game,拎到佢張半價coupon再食多次就仲正~xd