牛舞日本燒肉‧涮涮鍋放題 (銅鑼灣)

平日夜晚去左做 叫左澳洲和牛餐 $408+1
可能我喊係叫日本和牛最貴個個
唔見好似其他食評咁講 餐廳服務員會幫我整埋壽喜燒🤔
佢地只係倒完湯 倒完堆菜落鍋就會無再出現過
後期連加湯都要搵人🙄

目測當晚入座率唔高
連每枱個壽喜燒無湯都留意唔到
我唔係好理解其他食評講服務好 留意到客人需要指邊方面🫨

因為無人介紹之下 我地唔知送個盤肉
原來大片係壽喜燒
我地拎左去燒肉 好乾又韌🤯
全晚大部份肉 都好韌
個爐個火較最細 又無咩火力
較中火 又好快燒燶 十分奇怪

個人覺得連燒肉like都仲好食仲抵食

選擇又少
先講飲品 可樂同其他汽水係用汽水機
我倒左杯可樂 飲左味即刻唔要
無味又無汽 唔知飲緊咩💀

枝裝野飲 只有少量鴻福堂系列
去到後期想拎烏龍茶都無哂
其實任飲任食 你係咁唔refill唔俾人飲
咁我咪下次唔幫襯囉 咁小家👎🏻

火鍋料更加反哂白眼
蟹柳都無條 得兩種唔知咩腸 其他都係菜….
呢個價超唔抵食

最後仲不停催賣單叫你走
講真你都無人等位
俾我食埋手上杯雪糕得唔得

元朗冰室 (尖沙咀)

是日大約1:30pm去食
去到先係風口吹到頭到痛 勁大風 問呀姐可唔可以調位 點知勁無禮貌話出面都有人等
咁我又唔係霸你兩張枱 關有無人排隊咩事
跟住另一個點餐呀姐仲好笑
我地2個人本來叫左一個飯 諗住叫多個辛辣麵餐 但呀姐話2點先有 咁我地話轉頭再落 諗下再叫
個時我地都無為意
結果諗到食咩啦 再叫個陣 首先個呀姐已經多次無視我地 叫左好多次先落單
然後我地叫左第一個就走左去
正當我想話 我2個人叫一個餐你就走都走唔切？
無啦啦上左杯野飲 原來呀姐私下自己竟然幫我落左第一次個個餐
Wt? 你同我講未到2點你得賣 我話再睇下諗下食咩 你走左去同我落餐？
跟住仲想屈話個飯出左啦 想擺我枱
如果你服務好d態度好d 我都算
跟住我地問佢咁其實你幫我落左
幾多個餐
點知呢位呀姐又轉頭走鬼左佢
左走右走 死都唔理我地
然後幾經辛苦叫到個好似經理既人
點知同呀姐一樣無禮貌 仲暗串我地咁你宜家想落咩呀又
嘩 真係想即有走人 但佢又屈左杯凍檸茶放我地枱面
跟住野食黎到 當然垃圾 個烏冬係噹噹最差個隻烏冬 招牌厚豬扒只係一塊普通豬扒 唔覺待吃厚 特別好味 真係呃鬼人
咁樣叫特色豬扒 ….

薩莉亞意式餐廳 (將軍澳)

好耐無黎食過啦.
知道佢改左menu加左野食,
於是睇完<前度>就黎食lunch啦.
最少人時間 4點幾5點!
呢個時間黎就無問題唔洗等位!
2個人叫左牛肉pizza,墨汁意粉同埋肉醬焗長通粉.

先講牛肉pizza>平係平,$30,但真係難食左.
個批好硬.好似唔夠水份咁.又dry又硬
就算加幾多芝士粉同埋牛肉都唔好食.

墨汁意粉>墨汁好明顯少左而浠左...食落無咩味...
最香ga只係佢d蒜粒. 又係變差左ga1道意粉

肉醬焗長通粉叫做全餐最ok的.肉醬都幾香而且白汁好夠.
不過個人覺得焗長通粉都唔係幾夾肉醬! 焗飯會好d!

如果想俾少少錢食野.呢到你ok! 但如果講味道呢到差左好多... 無咩野我都唔會再返黎食啦.

MCL Cafe & Deli (九龍灣)

係kln bay呢邊返學,真係食lunch都可以食哂所有餐廳!
有1日經過, 見到mcl呢到入面都有間餐廳!
我好欣賞佢ga idea !
睇戲之前,之後都可以俾人黎食野!
而且食物款式,環境都可接受,唔錯!
我同朋友放lunch就一於黎呢到試下!

我叫左燒汁雞扒意粉. 連埋飲野$30 係kln bay呢區都係咁上下.
同場仲見到有唔少office worker 黎食lunch tim!

見到賣相就已經覺得唔會好味..
d野好似好求其放咁..亂亂地...

1食d雞扒..好鹹!!!
即刻要撈埋d意粉食..
但意粉唔夠熱..暖暖的..扣分....

整份唔合格.
而且環境睇落呢到似係大家樂d fd咁..
無論服務,食物....
都係咁差.

美心西餅 (藍田)

上個暑假美心出左流心包系列,
睇返D相記得自己食過朱古力流心包.
但係印象中係唔好味.
朱古力唔係好夠,
而且佢selling point->流心,
d料完全無流心......
當佢普通朱古力包食都只係ma ma地....