無飯OL 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2012-12-19
過了12月中旬, 今晚終於有點點寒意。一個人不想煮, 又想食辣的麵食暖一暖, 想起了這家酸辣米線。 點了豬扒酸辣水晶粉, 上桌已聞到陣陣麻辣香, 略嫌不夠酸, 如果多點酸菜更好。第一次吃水晶粉 (+$2), 是介乎米線與薯粉之間的東西, 沒有因為久泡在湯裏而軟掉, 讚! 小辣剛好滿足要暖身的要求, 也不會難於入口, MENU上有溫馨提示, 可叫清湯而辣另上, 非常體貼! 豬扒醃過很夠味而且鬆軟, 只是$30的酸辣米線有4塊豬扒, 雖然SIZE不算大, 但百物騰貴的今天算是很划算!
評分: 味道 4 環境 4 服務 4 衛生 4 抵食 5
2012-12-12 Sagrantino (中環)
中午黎到The Loop, 竟然等一部Lift就上到去。Set lunch有好多選擇, 我揀咗一款我連名都唔識讀既意粉: Salsiccia (Italian sausage in red wine sauce), 其實menu上大部份名我都唔識讀, 好彩每一款下面都有詳細解說 先上set lunch的湯(另外可選沙律), 係carrot soup, 顏色鮮艷, 濃度剛好, 好明顯用好多甘筍打碎煮出黎, 而且餅乾條又香又脆! 飲完湯, 極速上咗意粉。 聞到有少少紅酒味, 先試咗一啖意粉, 好得呀~軟硬適中,個汁令人好開胃(好彩食落又唔係又重酒味),香腸味道濃郁! (唔記得試佢地D咖啡, 下次要再去!)
評分: 味道 4 環境 5 服務 4 衛生 5 抵食 4
2012-12-06
之前經過見到呢間拉麵店的門面好別緻, 無煮飯所以就嚟試下。舖頭好細間, 得一排高櫈圍住廚房坐。一早已經諗好要食骨膠原雞白湯拉麵! 第一次食拉麵係配雞湯, 未加骨膠原時試咗一啖, 清清地唔錯, 啱我口味, 加埋骨膠原之後唔知係咪我「型」住? 好似感覺黏口好多...麵我揀左適中硬度, 但如果再去我會揀硬, 始終都係中意食D Al dente麵質多D
評分: 味道 4 環境 4 服務 4 衛生 4 抵食 4
2012-12-05 @Rex Caffe (中環)
今日同朋友一齊試下呢間, 我地2個都係第一次嚟, 大家都叫咗set lunch, 佢要薏米清雞湯+Pizza (揀咗mushroom, parma ham & cheese), 我要carrot & tomato soup+Linguini King Prawn。 上菜好快, 我個湯少少酸幾開胃, 跟湯既一小塊麵包凍冰冰唔好食 飲完湯, 話都冇咁快就已經上main course, 我偷食了朋友的一塊pizza, 唔錯唔錯, 薄薄脆脆的批底, 而且SIZE唔細, 男仔都應該夠飽! 至於我個linguini, 真係好有驚喜!! 一上枱已經聞到好香蝦味, 食咗第一啖意粉真係不得了! 俾咗少少(多D我都唔肯呀!) 我個friend試, 佢都話好得! 就係咁, 我一個人鯨吞一碟意粉, 一滴不剩! Set lunch有嘢飲, 叫咗soya cappuccino, OK啦, 不過不失。(Soya milk +$10) 呢餐幾滿意, 只係D枱太迫同埋好嘈, 係咁架啦, 中環….
評分: 味道 4 環境 4 服務 4 衛生 4 抵食 4
|