無飯OL 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2008-05-13
今日約朋友喺我哋最中意的Ole食晏, 本來諗住食我最中意的乳豬, 但外藉經理話今日冇, 我用廣東話同我朋友講「吓, 點解會冇架, 次次嚟都食, 從來未試過冇架喎!」點知個經理識聽 (定係我個表情好失望?), 即刻解釋話因為剛過完Long weekend佢哋攞唔到乳豬, 所以今日暫停... 唔緊要啦, 我同個Friend決定share 西班牙海鮮飯。 Appetizer: 肉丸, 薯仔沙律同麵包都好味 Seafood salad: 有蝦, 蜆, 蕃茄, olive, 菜....雖然份量太大同落太多檻欖油呢兩樣已經改善咗好多, 但我覺得仍然太多油了 Seafood cream soup: 朋友的, 我覺得都唔錯, 不過想食多D菜 Spanish seafood rice: 同在spain食到的水準一樣, D飯煙靭有咬口 tiramisu: 高水準 main course都已經食唔哂, 仲要食甜品, 每次都捧腹而回。好滿足的午餐! 推介美食: suckling pig, spanish seafood rice
評分: 味道 5 環境 5 服務 5 衛生 5 抵食 4
2012-08-06
台灣好友嚟香港玩, 答應咗做一天伴遊。玩勻港九, 睇埋夜景, 去埋APPLE朝拜, 已經晚上九點。由於佢地一早講咗話想試港式湯, 於是從IFC孭住2部電腦去蛇王芬飲燉湯。 一號風球又落雨, 入面坐唔滿, 枱之間唔會迫。以前OT叫外賣燉湯就多, 但都係第一次堂食。 我叫咗冬瓜螺頭豬展, 清甜好味, 啱上枱好辣嘴, 就算辣親條脷都忍唔住繼續起勢飲! 朋友R叫咗響螺雞腳, 佢俾咗一隻雞腳我, 一放落口隻雞腳已骨肉分離, 見佢個湯一點油花都冇, 好似都唔錯 朋友E叫咗木瓜淮山豬展, 佢話好味, 我見佢成碗飲哂, 渣都食埋, 應該唔係just trying to be polite 餐牌太多選擇, 都唔知點揀好, 叫侍應推介。佢好似都冇乜IDEA:「咕嚕肉啦!」「好食架?」「最多人嗌吖嘛!」「哦, 咁好啦, 咕嚕肉」 咕嚕肉有點炸得過火, 肉有D太乾同鞋, 但D粉撲得剛剛好, 啱啱包住D肉唔會過厚, 個汁好味, 份量又係啱啱好令到所有肉上哂色, 但又唔會太多攪到一PAT PAT, 一煮完即上枱, 又熱又脆! 侍應再提議叫一碟例牌燒鵝。燒鵝個樣好靚仔, 漲卜卜又面泛油光! 一上枱即食仲熱架, 點埋我諗係佢地自家製的酸梅醬好襯。但我會想佢淋多D燒鵝汁, 面頭嗰D有少少唔夠味。 見隔離枱個荷葉飯翠綠誘人, 都叫咗一個鱆魚雞粒荷葉飯, 上枱香氣撲鼻, 確實好味! 而且平時食開D荷葉飯塊葉D顏色都灰灰黑黑咁, 但佢地塊葉非常碧綠, 令人食欲大增! 兩位台灣朋友都話非常中意港式燉湯, 話下次要再嚟! 推介美食: 燉湯
評分: 味道 5 環境 4 服務 4 衛生 5 抵食 4
2008-04-09
幫襯過GOD嗰間, 同事話間間分店個menu都唔一樣, 係唔係就不得而知了... 同事farewell, 一行8人去咗呢度lunch: 大肚婆炒飯: 太咸 口水雞: 好味, 夠辣, 但墊底o既粉皮切細塊d會好好多 凍豆腐x 2: 滑, 個汁酸酸地好醒胃 燻蛋x 4: 一般般 担担湯麵x 2: 同平時食開o既唔同味, 酸酸地但又幾好味喎 外婆牛肉: ok 炭燒豬頸肉: 我唔食, 但d同事話好爽 子薑皮蛋: ok 紅油抄手x 2: ok, 唔太辣 上湯雙翠: 個豆苗同冬瓜都好食 梅子軟殼蟹:香口, 個汁都好味, 但搶哂味 蒜香菠菜: 一般(可能因為我唔中意食菠菜) 另外叫了各式飲品同甜品, 我自己叫咗熱杭菊蜜同酒釀荔枝雪糕。菊蜜清清甜甜, 酒釀荔枝雪糕我在GOD分店已經試過都要再食, 就知唔差得去邊啦! 雖然呢餐好似有D貴, 但我哋好多餸都有encore, 而且每人都係捧住肚走。我見佢哋個set lunch 都好似唔錯, 會搵日再唻試下!
評分: 味道 5 環境 4 服務 5 衛生 5 抵食 3
2012-08-28
心情大靚想食返碗拉麵, 上次經過九如坊見到呢間嘢個樣OK決定一試。大熱天時, 中午要在門口等位真係好辛苦, 排隊真係唔係我專長, 等咗15分鐘終於有位! 貪心叫咗招牌ナンバーワン拉麵, 麵條要硬身, 湯底呈白色略稠, 溏心蛋好好味, 叉燒晌入口即溶, 麵既硬度啱哂我要求!! 好耐無食過咁有水準既拉麵!!
評分: 味道 5 環境 3 服務 4 衛生 5 抵食 4
|