影片
電話號碼
31658889
營業時間
今日營業
11:30 - 21:45
星期一至日
11:30 - 21:45
以上資料只供參考, 請與餐廳確認詳情
內地人氣烤魚專門店終於開到香港了，朋友深圳食過返尋味，約我來試試，烤魚好滑，冰粉好味仲可無限添加，非常滿足。餐廳環境寬敞，紅紅的燈光有著麻辣的味道，午市有一人套餐一百蚊左右都好抵，難怪午市食客不絕。醬香味烤魚(鮰魚) $338朋友竟然唔食辣，Ｏ左咀，醬香味湯底味道相當濃，醬油味好重，配白飯為佳，久不久要加湯，否則咸到一個點。烤魚有三種魚選擇，最終揀了鮰魚，肉質軟綿雪白味道鮮美，含豐富脂肪，無細骨啖啖肉口感滿足，配埋醬香味湯底加上火爐保持熱度，的確非常美味。醬爆鴛鴦糍巴 $58糍巴一黑一白兩種味道，口感軟糯，餡料流心的，味道唔錯。嘭嘭小酥肉 $58小酥肉鬆脆惹味，風味小食可以過口癮。冰粉 $6/位冰粉無限任添好抵，配料和調味底汁可自由配搭。配料九款：黑糖麻糬、花生碎、山楂片、提子乾、寒天晶球、白珍珠、醪槽、桃膠、燕麥爆硃。調味底汁三款：紅糖汁、桂花蜜、生椰。試了Ｎ碗後，我最鍾意的夢幻組合：桂花蜜好清香作底汁，加了醪槽好有酒香，寒天晶球好爽口，花生碎、提子乾、桃膠增加口感，非常滿足。
繼續閱讀
終於在香港開了探魚，這天特地和朋友去光顧，趁中午時間，應該容易入座。估不到中午時間也幾乎滿座，真的非常受歡迎。難得慕名而來，就要吃這裏的招牌菜。職員介紹每位加$6任吃冰粉，這個當然要加了。鮮青椒爽麻味烤魚$298 ，用的是凌波魚，肉質有鮮魚香，夠滑，除了主骨幹，基本上無骨，非常好吃。其實這個湯底不算辣，吃的是原產地頭子花椒的香麻味，相信不能吃辣的人都吃到。而湯底鹹度適中，要適量加湯，否則吃得久了會越煮越鹹。二人吃一條魚，加上配菜還有豆腐，份量很足夠，吃得很滋味啊！孜然甜辣土豆仔$48，外層炸得香脆，一口一粒的份量剛好，特別之處是炒香的甜辣醬，炒得乾身，灑上土豆上也不會影響香脆口感，配上孜然粉更惹味。醬爆鴛鴦糍巴$58，這個當甜品吃，脆炸過的糯米糍，裏面是流心的餡料，一黑一白兩種味道，吃著非常煙韌，甜甜的，無論賣相、口感、味道都不錯。最後當然要多吃點冰粉，這裏的冰粉是透明藍色的，配料隨喜好加上。醬爆珠珠、粉圓、還有桃膠，又可以加上椰汁、桂花糖漿，真的很好吃！吃完麻辣食物再吃冰粉，絕絕子享受！我們一共吃了五碗呢！下次再來的話，一定要來個麻辣湯底過辣癮，在任吃冰粉的情況下，多辣也不怕！
繼續閱讀
大年初六💮公主🐷仲係休息當中💤又可以四圍覓食😋本來想返大陸食烤魚🐟但係又唔想來回過關嘥時間🚇見到沙田探魚11:30已經開門🎉即刻衝過去🏃🏻🏃🏻♀️11:30am 準時衝到去沙田✌🏻解鎖冰粉自由🍧冰粉係任食㗎😍超級豐富！有我最愛嘅桃膠同埋好多珍珠🍡可以加椰汁🥥或者黑糖或者桂花蜜🍯坐低每人整兩碗潤潤喉先😋海陸空天團🍢裏面有魷魚🦑雞軟骨🐔牛肉🥩各五串我哋要咗微微辣🌶️作為前菜非常開胃下面有小蠟燭微微加熱🕯️串燒最緊要熱食🔥凍咗就完全唔好食😌非常貼心加分超豪華鮮青椒蛙哈哈哈魚🐟超豪華真係冇講錯👍🏻我哋仲加咗$40升級鮰魚🦈肉質非常滑帶鮮甜兼且冇細骨🦴加$40絕對值得😌裏面仲有田雞🐸蜆肉🦪配菜仲有蓮藕🫚辣而不燥😃配上兩碗白飯就Perfect醬爆鴛鴦糍粑🍡食飽飽海陸空烤魚🐟新正頭整多個圓轆轆金銀滿屋鴛鴦糍粑🌝🌚有金有銀💰新年繼續一直旺最後當然要食多兩碗冰粉🍧解解辣大年初六有烤魚🐟有串燒🍢有冰粉🍧大滿足
繼續閱讀
朋友最愛北上搵食，留港消費都不忘了幫襯大陸著名食店探魚，香港首間分店座落沙田新城市，午餐拿拿臨去一試究竟! 新城市廣場內開店，環境當然有返咁上下質素，坐低掃QR Code落單，我地都唔係好清楚邊款魚會無咁辣無咁多骨，向店員查詢，佢地都好有耐心解答我地的疑問，值得一讚!我地2個人點了鮮青椒爽麻味烤魚，魚我地就選了店員推介的凌波魚，比較少骨，以獨家8分鐘烤好一條魚的準則，確保烤魚每個部份都受熱均勻，辣度我地選了小小麻小小辣，食落又唔係好辣，但就好香好惹味。點菜後勁快就已經上枱，店員不忘點火儀式，除咗有條大大的烤魚，仲有古法手工豆花，每件都大大件，食落好濃豆味，唔錯! 食魚同時食豆花，解解油膩，烤魚香口，店員無介紹錯，凌波魚真係無乜骨，食落仲相當嫩滑好味，而且份量非常充足，大大條，我地2個人真係食唔哂，3-4個人一齊食都仲得！另外除咗烤魚，我地仲揀咗2份小食＋冰粉，小食分別是小酥肉及爆汁炸雞，小酥肉酥脆，作為餐前小食一流，至於爆汁炸雞，炸得剛剛好，相當入味，唔錯！另外，冰粉是必加，位位$6喳! 仲要無限任食，自助區自選，有我最愛的桃膠，寒天晶球等，好豐富，想食咩食幾多，樣樣自己揀，好化算!
繼續閱讀
成日聽班朋友講返大陸食探魚，講到好好味、服務又好咁，返shift 又假少嘅我得個恨字😩，依家終於唔使恨la，係香港都食到探魚，首間分店開係沙田新城市廣場，交通好方便，今日放工即刻去食😋㩒完飛等一陣就有位，一入到去成班店員就講「開心食魚」幾有氣氛，間舖都幾大好闊落，坐低用QR code落單，店員好熱情，服務真係幾好👍🏻🐟鮮青椒爽麻味烤魚 $338無辣不歡嘅我一定要食辣la！第一次食緊係要試王牌口味「鮮青椒爽麻味烤魚」，獨家8分鐘「烤好一條魚」準則，確保烤魚受熱均勻。餐牌介紹鮮青椒爽麻味爽麻無限，採用頭子花椒，1:8黃金豆水比，聽落好吸引！辣度有得揀「中麻中麻」或「特麻特辣」，第一次食試下中麻中辣先🌶️上枱有個點火儀式🔥，衝擊一下視覺，我都拍咗片，除咗烤魚仲有古法手工點豆花，大大件好濃豆味，吸哂辣汁超入味。烤魚方面我+$40揀咗鮰魚，因為餐牌介紹最夾鮮青椒爽麻味，烤魚烤得好香口，再加上花椒湯底又香又辣又麻真係超級好味，勁啱鍾意食辣嘅我😋，鮰魚肉質好滑溜，無腥味，同埋都幾大條，食極都食唔完咁，3個人食都夠食！真係要試下！🆕香烤花菜 $38試咗新推出嘅香烤花菜，爽脆口感、少辣+少麻炒得好香，每棵椰菜花都入哂味♨️嘭嘭小酥肉 $58一口一條～外層鬆脆內層彈牙肉肉，味道帶甜，好過癮咁有幾粒爆谷增加口感，炸物小食最得人歡心🥛低糖五穀米漿 $19香濃米味，濃糊口感，感覺好健康探魚📍地址：新界沙田區沙田新城市廣場1期6樓626室
繼續閱讀