探魚烤魚

營業中

休息中

朋友最愛北上搵食，留港消費都不忘了幫襯大陸著名食店探魚，香港首間分店座落沙田新城市，午餐拿拿臨去一試究竟! 新城市廣場內開店，環境當然有返咁上下質素，坐低掃QR Code落單，我地都唔係好清楚邊款魚會無咁辣無咁多骨，向店員查詢，佢地都好有耐心解答我地的疑問，值得一讚!我地2個人點了鮮青椒爽麻味烤魚，魚我地就選了店員推介的凌波魚，比較少骨，以獨家8分鐘烤好一條魚的準則，確保烤魚每個部份都受熱均勻，辣度我地選了小小麻小小辣，食落又唔係好辣，但就好香好惹味。點菜後勁快就已經上枱，店員不忘點火儀式，除咗有條大大的烤魚，仲有古法手工豆花，每件都大大件，食落好濃豆味，唔錯! 食魚同時食豆花，解解油膩，烤魚香口，店員無介紹錯，凌波魚真係無乜骨，食落仲相當嫩滑好味，而且份量非常充足，大大條，我地2個人真係食唔哂，3-4個人一齊食都仲得！另外除咗烤魚，我地仲揀咗2份小食＋冰粉，小食分別是小酥肉及爆汁炸雞，小酥肉酥脆，作為餐前小食一流，至於爆汁炸雞，炸得剛剛好，相當入味，唔錯！另外，冰粉是必加，位位$6喳! 仲要無限任食，自助區自選，有我最愛的桃膠，寒天晶球等，好豐富，想食咩食幾多，樣樣自己揀，好化算!