湊湊火鍋‧茶憩 (如心廣場二期)

營業中

休息中

抵食lunch set 酸菜魚麵～湊湊火鍋‧茶憩 (如心廣場) (荃灣)📍荃灣大河道98號如心廣場二期1樓121號舖————————————酸菜魚麵 $88有酸菜魚麵之外仲有前菜 好抵食！前菜有嫲辣鴨血豆腐，嫲油魚皮半隻老水蛋，肉燥波菜同粟米 前菜幾出色，每款都好食，特別係魚皮好爽好彈牙主角酸菜魚麵 麵正常，魚片滑，不過唔係好辣，我覺得比譚仔十小辣再小啲，同埋無得揀辣度，呢度差咗少少，個湯底就好酸無咩辣味，湯底味道都比較普通lunch set加飲品係半價 叫完飲唔曬可以轉外賣杯攞走～環境唔錯 坐得舒服————————————#hkfoodie #hkfoodblogger #hkfood #hkfoodshare #hkfoodblog #hkfoodlover #foodstagram #foodlover #hkfoodporn #foodphotography #foodieig #hkig #hkfoodieblogger #hkfoodielife#香港美食 #食好西 #吃貨 #相機食先 #homehong #foodie #hkfoodielife #hkfoodlove

叫了一個四人套餐，價錢合理。而且味道都不錯！首先牛非常新鮮，有牛味。而其他火鍋配料都味道不錯。熟食荔枝蝦球都好好食。另外送了菠蘿沙冰都幾好飲，係細杯左啲🤣🤣。服務員態度非常良好👍🏻👍🏻整體都不錯，下次會再次選擇👍🏻

之前經過門口就好想試試，今次終於有機會一試。朋友非常推介，所以好期待。餐廳係唔可以網上訂位既，想食既朋友就要乖乖去餐廳門口拎飛仔排隊。唔想排隊就建議早少少去。用餐時間只有90分鐘，最好係齊人先入座喇！今次點左鴛鴦鍋：‘’食妝鍋‘’ - 紅顏花膠雞鍋 + ‘’治愈鍋‘’ - 老四川風味麻辣鍋。大家都先飲左一大碗花膠雞湯，感覺好滋潤。因為太多野想食，我地每類都點左一d ：美國特選級牛板腱、加拿大松阪豬、飛魚籽墨魚滑、毛肚、炸魚皮、麻辣火鍋唔可以缺既午餐肉、山藥、甜玉米。仲有好得意既海鮮棒棒糖。只要跟住menu上既建議既時間就唔會浪費食材，食到好好味既食物。特別一提係海鮮棒棒糖唔可以放太耐，溶左就會跌落黎哦！另外記得要點台式飲品，價錢平之餘，分量十足，絕對係大件夾抵食我地4個女仔不停食都冇辦法食晒所有食物，大家都超飽，大滿足！

由冬天講到春天，仲未約到食湊湊，有一日突然涼咗即刻訂位食返餐花膠雞煲。比較之下以前用嘅花膠靚啲，而家似用砂爆魚肚，不過湯底味道依然無變細食嘅我哋叫咗好少嘢，再來一杯大家都期待已久嘅超大珍奶，你話我哋仲有空間食得落嘢咩連我哋喜愛嘅麻辣鴨血豆腐都只係fill 咗一次就飽咗。以後仲點出嚟行點出嚟搵食

久唔久就想嚟食麻辣鴨血、花膠雞鍋，每次都係即興約，所以都要攞飛耐，今次醒目呀，透過OpenRice 訂位，嚟到等咗唔駛10分鐘就入座，員工都招呼得好好，食物又啱心水，每次都食到好滿足😌

同朋友仔路過見到幾靚就入咗去食叫咗半碗花膠湯同四川麻辣湯，花膠足料扺飲滷肉飯無限添，香得嚟唔油膩芝士球唔係一般嗰啲軟淋淋嘅芝士球，堅係脆魚皮同中華沙律都夠凍又好食，可惜啲朋友仔唔識欣賞店員見我哋食麻辣湯底咁辣，仲送咗杯芒果沙冰shot，非常有心！ 不過可惜冇乜點食麻辣湯底，因為唔飲得

火鍋就好食，飲品好飲，午餐就搞唔掂先講環境係好闊落坐得舒服但地下痴笠笠...點了酸菜魚麵餐，餐包小食$88同半價加飲品。酸菜魚麵味道是可以唔太酸，但湯唔夠熱，魚肉約有5片肉質係又實又鞋，麵屬扁厚林身又唔吸湯唔多夾。小食滷蛋超級鹹😑；肉燥菠菜又老又無味；麻辣鴨血豆腐鴨血唔辣亦唔入味，唔係滑溜個款，豆腐就可以；脆魚皮係晚市免費的小食，係小食中比較好的。最好都係鮮橙綠茶，果味足！整體服務唔錯但午餐唔入流，其實可以減少小食，專注返個主食，咁可能會多返d人。不過佢地主力都係火鍋。

#chuchu食在荃灣📍 湊湊火鍋‧茶憩上次🐷仔帶左🐷去K11嗰間，好好食，兩個都愛上了，今次試荃灣呢間分店！兩間分店都好大，坐得好舒服，不過就限時90分鐘，好彩上菜都好快！💡記住openrice可以book位，唔係有排等！—————————————————————❣️ 湊湊節日2人套餐 $698🍲湯底套餐係個鴛鴦鍋，🐷揀左紅顔花膠雞鍋同酸菜白肉鍋！覺得湊湊最出色都係湯底！- 酸菜白肉鍋之前同🐷已經食過酸菜白肉，超好食，本身有啲肉，好淋好好食，仲可以無限加酸菜！- 紅顔花膠雞鍋店員叫我哋先飲湯，再加湯打邊爐，碗湯好濃好正，又好足料，融左嘅花膠有魚肚、鮑魚仔同雞肉！.🥩美國特選級牛小排牛小排都ok的！有肉味！.🐖伊比利亞黑豬肉呢個豚肉用酸菜鍋淥真係無得頂！.🐚鮑魚新鮮的！雖然食到最尾先黎，不過都好食！.
🐧企鵝丸（墨魚漿製）賣相好可愛，真係成隻企鵝仔咁，有六隻，浮起就食得，口感好滑的！.🥬萵筍都係一般咁！.🍜冬粉有兩舊，🐷同🐷仔兩次都食唔曬😂.🍮茶果凍好似檯檯都有送！好食！好香茶味！.❣️珍珠奶綠 $23好大杯！抵飲！次次黎都一定要嗌杯！好多珍珠！佢有時會有限定款買一送一的！坐低記住望下！.

睇完戲 下午4點過黎入座未到peak hour 又係平日既關係，現場食客唔多，環境寧靜乾淨，店員服務態度同效率都超級好，下午茶時間黎 一流🤭👍🏻*不過炸香芋波波到1730先新鮮炸起出黎，已經食到好飽 食唔到幾多粒2人餐揀左：💕- 台式麻辣鍋 拼 紅顏花膠雞鍋(+38)麻辣鍋依然可以任加鴨血；花膠雞湯煲得香濃 又極重膠質，飲左3碗先加水開始邊爐 都仲係好膠好香雞湯味，入面有兩隻小鮑魚同幾舊花膠- 美國特選級牛板腱 + 伊比利亞黑豬肉- 蔬菜拼盤💕- 油條第一次油條打邊爐 原來成件事好夾，浸湯後 油條芯吸左湯汁 油條面keep到脆口再另加…- 飛魚籽魚滑 $68味道偏甜 調味較重手 略掩蓋左原有鮮味💕- 烏雞肉卷 $88爽口而重雞味，口感似食五花肉咁爽，未試過雞肉做到呢個效果，而且比一般雞肉更濃雞香味，驚喜 個人最鐘意呢款- 毛肚$88- 大紅袍奶茶$29 + 珍珠$4有茶香 口感又細滑，珍珠QQ彈 黑糖味，近年飲過最好既珍珠奶茶❗️6點前埋單+離座 可享85折優惠❗️呢餐連+1 兩個人$637埋單同晚市比 真係好抵玩

湊湊呢間台式火鍋店打邊爐好出名 前幾日行過見到有lunch set就入去試下☺️🐟酸菜魚麵 💰88成個set好豐富☺️ 前菜有滷蛋 魚皮 鴨血 豆腐 菜同粟米🌽 基本上食晒啲前菜都飽左7成😆 魚皮好爽好彈牙 有啲似食緊海蜇幾特別😋 鴨血質地較淋辣辣地好惹味👍🏻 主角酸菜魚唔算濃味 魚肉冇骨好抵讚！小小辣好開胃🥰另外lunch set加飲品係半價 呢間既台式飲品茶底好好味🤤 平時正價都成日買黎飲 半價當然要狗衝😌堂食可以轉外賣杯飲唔晒可以攞走唔會浪費！荃灣分店呢間環境唔錯 坐得幾舒服 Happy Friday絕對可以一試☺️

同🤴🏻喺附近食完飯有啲口渴，經過見到出咗新野仲買第二杯半價即刻買來試吓先！😆😆名稱就好好聽 ‘ 雲☁️來新芝士🧀 ’ ，其實即係芝士🧀奶蓋茶！😁😁～～～雲朵☁️絲絨茉香茶～～～不需要用飲管直接打開個蓋仔嚟飲仲好味好多，鹹鹹地嘅芝士🧀味配落茉莉香茶味，又滑陣清涼味仲夠濃郁，我同🤴🏻鍾意❤️呢杯多啲！😘😘～～～雲朵☁️絲絨紅茶～～～同一樣嘅芝士🧀味但分配落濃濃嘅紅茶味就明顯冇茉莉咁清新，兩個濃味相沖反而淡化左芝士🧀嘅濃郁，呢杯就比下去啦😅😅

睇完鄭秀文的新戲，完場時間不算好夜，但由於今日只食了brunch, 所以到下午五點多便覺餓了。於是跟友人周圍找野食，我們看到這火鍋店這個時段不算好多人，而且之前經過都成日話想試試，今日便終於試到啦！我們點了一個番茄牛膝骨湯底，又食了五花腩，牛肩胛，芝士魚腐，手工蝦滑。另外食了台式肉燥，香芋地瓜院，爽滑魚皮，爽滑魚皮。首先，個湯底一到，見到侍應哥哥好大力咁把湯連湯鍋上台，見到你鍋便知道「重量十足」。真係好重！不過，個湯頭，不算好多番茄，而且都比預期中「淡口」，有少少失望。蝦滑正常，牛同豬都正常，反而比較驚喜是「台台式肉燥」仲有白飯任裝，我想講，個台式肉燥汁和肉都好好食！重點是，佢不太肥，都偏瘦，好啱我的口味！配以粒粒有咬口的白飯，真係好好食！超讚！絕對不比外面專賣「台式肉燥飯店舖」差！值得推薦！！！另外想講個香芋地瓜球，外面炸得香脆，內裡有糯米同香芋，口感一流！另一推薦是前菜的「爽口魚皮」，魚皮表面，洋溢了麻油的香氣，爽口得來，又有淡淡的辣味，十分之開胃！好食😋！到尾聲，沒想到，職員突然間送上一杯「菠蘿蜜桃沙冰」，冰🧊涼到不得了（我飲了一口，因為太凍，都給友人飲埋），味道都不差！原來6點

粉麵午餐, 都有5-6款飯麵選擇，飲品半價。我點了酸菜魚, 會伴隨幾個小碟的前菜, 包括: 嫲辣鴨血豆腐, 嫲油魚皮半隻老水蛋, 肉燥波菜。前菜都出色, 不過就沒有得選擇。主菜方面, 酸菜魚麵, 麵會配有酸菜及牙菜, 麵好足料, 魚片都好滑, 不是好辣, 而且是沒有得選擇辣度, 湯底味道比較普通單一。可能比較早去食，職員不是太多，要搵一陣子才可以落單，或者要其他Service。整體來說, 是一個好飽的午餐, 而且坐得舒適, 又不用等位。

知道湊湊火鍋好評不少，特登約埋朋友過嚟試下！去到門口大概等左半個鐘就入座了。職員十分有禮貌同熱情，某啲職員更加講普通話，好似真係請左台灣人（？）😂係到食野好似身處台灣咁😂.客人可以自行行去醬料吧到調配自己鐘意嘅醬汁，仲有涼菜任夾！.🍴蕃茄湯&台式麻辣湯蕃茄味濃郁，仲有好多蕃茄係湯入面，湯底一啲都唔隨便呀～而麻辣湯方面，因為係台式麻辣關係，個人來說唔算好辣，但入面放咗不少配料，上菜時已經聞到好香！.其他餸都係嗌左必食嘅黑毛豬同肥牛，仲有墨魚滑、魚腐。肉嘅質素十分好，食完一碟要再encore😂.整體來講係滿分！可惜價錢略貴，但食物質素、環境、員工服務態度，呢個價錢完全係值得嘅👍🏼👍🏼

原諒我只係影咗幾張相，因為真係好好味！個白貝湯底真係好鮮甜，而且一路打一路飲，真係好好味！另外嗰邊點咗台式麻辣火鍋，啲豆腐同埋啲鴨血都好好味！牛肉就稍為有啲硬，可能要叫到日本嗰隻級數先正！