濃湯雞專門店 (已結業)

平時夜晚主要係打邊爐既??網上外賣平台見到有濃湯雞翅飯就即刻試下叫左一個飯一個薯粉,薯粉係幼既,大概係傷心既一半粗幼,不過我幾鍾意,一條唔洗食好耐湯都夠熱夠濃味同埋唔油入面大概有5舊左右既雞翅就唔好預佢係澳門翅湯個d咁好食啦,真係好麻麻,大概有2塊仲有一條菜另外我再加大一份雞湯浸菜,出乎意料之外好食同新鮮~不過份量大食既應該唔夠啦,同埋食完都幾口渴~可能始終個湯底係預人打邊爐既~不過我會再食

今晚在牛頭角站附近，見到有間叫濃湯雞既店。發現佢地外賣自取有9折😆於是我就睇下佢地餐牌有咩食：見到佢地有砂鍋濃湯雞煲翅，好似好吸引咁（仲有必食推介標誌），就order試下。$68 + $2 外賣盒，因為外賣自取有9折，最後只係比左$63就有啦。😄😄等左10分鐘就有得拎，好快手😆番到屋企就急不及待食啦。雞湯同粉係分開上既。呢個砂鍋濃湯雞煲翅真係有翅、雞都有5件，有誠意，湯係重點，好香濃，總體都算滿意。

原本經常去呢間舖頭，但今次會係最後一次。因為家姐食過幾好食，我哋每個月都會至少去一兩次。今次連埋家姐一行五人再次去晚餐，除咗每次必食佢嘅砂鍋濃湯雞煲翅，另外仲叫咗乳鴿，海蜇，生菜煲，冰鎮咕嚕肉，同幾樣火鍋配菜。叫完之後發現原來砂鍋濃湯雞煲翅有個二人套餐，就即刻同返落單嗰位小姐講，想轉套餐同埋取消生菜煲。其實個時間前後相差唔夠3分鐘，理論上改單應該絕無問題。嗰位扎住馬尾嘅小姐，一向見佢喺舖頭打晒骰咁，以往態度友善。但今次一反常態，一聽到我哋話要改單，立即黑面，當住全場食客好不禮貌地向我哋大聲呼喝：「吓！咁麻煩㗎！落晒單點改呀！」然後嬲爆爆咁行咗入廚房方向。俾佢嚇一嚇我哋完全唔識反應，而且仲比周圍啲人望住非常尷尬。家姐怕出錯嘢食想再同佢確認，見佢行返出嚟就走近佢身邊細細聲問下，原來佢係有改單，但跟住對家姐又講一咗輪晦氣說話。由始至終我哋都係客客氣氣，唔明佢為乜發咁大脾氣，改唔改到單唔重要，而係身為客人無端端當住咁多人面前畀佢鬧，受呢啲屈辱先至難以接受。但我哋選擇安靜咁食完餐飯就離開，其實佢哋啲食物質素係可以嘅，其他伙計都好好人好有禮貌，仲有同我哋講多謝講拜拜。但因為呢個紮馬尾小姐嘅無禮態度

濃湯雞全新班底打造鍋氣小炒！食過返尋味！精心改良湯底，值得你一試！星級大廚精心製作全新菜式，冰鎮咕嚕外涼內熱，鬆軟可口！水煮魚鮮辣嫩滑，一試難忘！脆皮鹹豬手脆嫩咸香，送酒一流各類海鮮請於3點前電話預定

一向鐘意飲雞湯，見到office附近有專門食雞＋雞湯，就諗住嚟試下。第一次嚟，叫咗個砂鍋雲吞雞配紅薯粉。紅薯粉唔係我以為嗰種螺旋形幼薯粉，總之食落似粉絲。雞湯同雞件都偏淡，冇乜味，建議如果煮嗰陣唔想咁濃味，至少喺枱面放D調味料，等客人自己調味。雞件好多👍，食落都算OK，唔算好柴。雲吞有2隻，唔同餡，一隻菜肉，一隻應該係蝦＋唔知咩菜😂，都算唔錯。服務態度都算ok,我一開始叫咗罐汽水冇嚟，同佢講佢都有say sorry（是的，我要求就係咁低）。總之，鐘意淡口嘅可以嚟試，不過鐘意濃味雞湯嘅就要考慮下。

第一次試叫，但真係好失望，其實只有兩個字可以寫就係呃錢，因為$78嘅一個花膠雞湯米線只係用史雲生清雞湯+5舊雞胸而且所謂花膠，似一啲啱啱蒸完魚出嚟嘅魚標仲要得”5蚊銀”極細兩小塊，完全唔值。而且味道係有啲難食，份量亦係少得可憐我相信一個成年人呢個份量系唔夠佢一半，$78份量等於譚仔一碗米線嘅一半，但價錢就貴一半囉。總之我俾咗$150買咗一個麵同兩個小食係覺得非常之搵笨絶對係唔會有第二次，實在太失望

點了兩份花膠鷄，一份豬肚鷄，鷄肉只有5件完全冇味， 花膠只有三件，份量極小，豬肚鷄就只有豬肚，小朋友也不飽，份量極細，可撰擇不多，食客希疏，如果只想喝湯，不妨一試。

天氣開始轉涼，又係食羊腩煲嘅季節！呢度已經變咗我嘅飯堂！！羊腩煲都有得食啦！今晚試咗，抵食～正！！2個人叫咗個羊腩煲加碗飯～飽哂！超滿足！羊腩唔羶，仲炆得好腍好入味

由於疫情關係，夜晚無得响食市堂食，所以老公就上apps叫外賣。見到呢間屋企附近新開嘅濃雞湯做緊外賣自取有7折，所以就即刻order試吓。叫左個藥膳雞腳配瀨粉，個湯係唔錯但比較淡，瀨粉分量超多，而佢哋都好細心咁分開湯同粉放入外賣盒。另一個就叫左花膠雞濃湯，呢個湯嘅味道真係濃好多。雖然有好幾舊花膠仔(真係比較細同薄)响入面，但其實感覺唔到好膠質、黏口嘅感覺。但反而雞湯味就出好多，而且入面都算有幾多滑雞件，唔錯。打開個胡椒豬肚雞，個顏色都好似😅不過今次呢個雞湯味真係俾胡椒味蓋過左，唔辣，都好味但我嫌豬肚少左啲啲🤨另外兩個小食同菜都唔錯，分別係頭抽鮮鵝腸、沙薑鮮雞腳同濃湯浸白菜。個頭抽汁好香甜而鵝腸亦好爽口👍🏻有埋至愛芽菜襯托下，非常合拍。沙薑雞腳就有4隻(忘記影相)，size 唔大，但好淋好入味，而且仲係熱辣辣嘅。個時菜就因為係用濃湯浸住，就算咁大棵都唔會硬，連細妹都覺得好容易入口！