濃湯雞專門店 (已結業)

一向鐘意飲雞湯，見到office附近有專門食雞＋雞湯，就諗住嚟試下。第一次嚟，叫咗個砂鍋雲吞雞配紅薯粉。紅薯粉唔係我以為嗰種螺旋形幼薯粉，總之食落似粉絲。雞湯同雞件都偏淡，冇乜味，建議如果煮嗰陣唔想咁濃味，至少喺枱面放D調味料，等客人自己調味。雞件好多👍，食落都算OK，唔算好柴。雲吞有2隻，唔同餡，一隻菜肉，一隻應該係蝦＋唔知咩菜😂，都算唔錯。服務態度都算ok,我一開始叫咗罐汽水冇嚟，同佢講佢都有say sorry（是的，我要求就係咁低）。總之，鐘意淡口嘅可以嚟試，不過鐘意濃味雞湯嘅就要考慮下。