煌府婚宴專門店 (已結業)

同事下年結婚, 正在搜羅婚禮場地兼試菜, 今晚陪佢去咗長沙灣煌府婚宴專門店餐廳內環境開揚, 樓底都幾高, 天花飾物營造出華麗氣氛。晚市除了雞煲火鍋任食, 另有小菜選擇, 不過小菜款式唔多, 只有兩頁:蟶子: 可選豉椒炒/蒜蓉粉絲蒸揀咗豉椒炒, 有大量青紅椒、菇增加色彩賣相, 原條蟶子大大抽, 冇沙, 熟度剛剛好, 鮮甜爽口唔韌, 炒得有穫氣, 鹹鹹地嘅豉椒香再提升了味道, 惹味好食, 連配料都比我地食清。鳳梨生炒骨:生炒骨表面平均有醬汁包住, 酸甜令人開胃, 味道不會太濃, 肉質林。脆皮燒鵝皇(1/4):份量很足料, 燒鵝皮沒有過厚肥油層連帶, 皮脆有淡淡鵝羶香, keep到肉汁。沙爹金菇肥牛煲:肥牛煲熱辣辣上檯, 大量肥牛佈係面層; 肥牛好林好滑, 沾咗唔少汁醬, 有淡淡沙爹香, 除了墊咗金菇, 仲有大量粉絲, 索咗個汁食, 正!額外收費: 茶位$13/位; 小食$10

煌府婚宴專門店 今晚喺長沙灣做完野就喺附近揾地方食晚餐，俾我揾到呢間平靚正打邊爐，任飲任食既地方立即去試一試。入到去發現係婚宴場地大廳，裝潢華麗，地方空間非常大，每一張枱也分隔得非常開，衞生同私隱度十分好。 湯底有三款，我揀左莞茜皮蛋湯，清熱下火。另外打邊爐一般既食材都非常齊全，蔬果同飲品可以自己出去雪櫃度自取。 一開始先食雞煲，雞煲非常入味，賣相非常吸引，雞煲份量十足，唔夠仲可以不停添加，色香味俱全。我食完一煲就轉食火煱，試多幾款唔同野先。各種肉類海鮮非常新鮮，豬、牛、羊肉味道很好，沒有冰凍雪藏味；海鮮類既魷魚、象拔蚌、脆肉鯇魚腩非常唔錯，十分爽口彈牙，值得推介。 價錢大眾化，坐得舒服，加上任飲任食，而且服務也貼心，總括而言性價比非常高。

友人相約飲下午茶，第一時間想起煌府，因一點半已是下午茶特價時段，好抵食。禮拜日都有特價孖寶，我們點了三套腸粉夠滑，牛肉味濃，最重要係豉油夠香，整體味道非常夾。菜苗餃飽滿非常，鮮嫩菜苗配鮮爽蝦仁，比例平均，鮮上加鮮。鳳爪的醬汁調得十分好味，又炸得很透，所以入口即化。蒸鯪魚球又大粒又彈牙，一食人更知魚多粉少，絕對有驚喜。另一驚喜是這份菜膽雲吞鷄，湯頭鮮、雲吞一口一粒、鷄塊夠滑，味道夠地道，比很多上海食店做的更好。家鄉煎薄礃，邊煎得香脆可口，中間軟糯，兒時味返哂嚟。魚餅加入涼瓜去煎，彈牙魚鮮味之餘加入清爽口感，食到停唔到口。沙羗豬手濃濃沙羗香，口感爽彈，厨師非常貼心的將豬手切成一小塊，超易入口。除上海餸ok外，這裏連潮式滷水也出色，鵝掌鵝翼入味而不死咸，味道比得上正宗潮州老店。雪菜肉絲炇米也做得出色，爽口的雪菜配肉絲同米粉一齊煮，不乾也不太濕入晒味。因香港疫情已受控，夜晚擺酒人數增多，我們食完走的時候職員已陸陸續續將晚上擺酒的大枱搬出，開始預備晚上的酒席。

最近長沙灣有了不少新的商業大廈，環境煥然一新，今日一於去嘗試，睇吓區內的樓宇，價格是否適合作為上車自用.但睇到晚上並沒有時間烹調晚餐，於是來到了這間酒樓.酒樓十分之光猛明亮，加上有電視，真的是可以電視送飯，在門口看見一個十分吸引的火鍋，嘩178冇錯係178，連啤酒任飲，真的是性價比十分高.但由於友人怕熱氣，於是今晚嘗試了小菜，下次先來朝聖一下這一個178火鍋.海蜇加上木耳十分之爽口好味道.燒鵝皮脆肉滑，加上熱度十足水準之作.肥牛加上金菇也是最美好的送飯之選.果皮蒸鮑魚，加上自家製的豉油，簡直是令鮮味達到一個頂點.最後店員還熱情地附上免費的甜品真的是滿足了.

今日假日同屋企人去飲茶， 我哋嚟咗長沙灣嘅煌府婚宴專門店！ 因為之前食過尖沙咀煌府分辨店幾好食！ 呢間煌府嘅下午茶係一點半開始， 比起其他茶樓都比較早👍🏻👍🏻👍🏻  點心紙上嘅款式很多， 而且價錢和食物都好吸引！ 點心有啲好特別例如有榴槤蒸包！ 榴槤包非常精緻，一共有兩件！榴槤味香濃爆餡😋 脆皮紅燒乳鴿囍趣亦都燒得好入味， 熱辣辣！ 服務員行細心，主動給我們濕紙巾 懷舊鵪鶉蛋燒賣雖然細細粒，但非常香口，而且有大大嚿蝦肉好爽甜 ！ 點心拼盤適合和其他人一起分享有蝦餃，蒸粉果，薑汁糕及合桃包，各一件非常抵食蝦餃有原粒蝦，非常精瑩通透！叉燒包三件，分量非常大而且好足料！ 下午茶自選孖寶都好吸引有菜心，釀茄子， 鮮蝦菜苗餃等，夠曬健康！ 南瓜餅有四件不會太甜也不會太膩👍🏻

朋友推薦趁今日放假就去試吓，估唔到假期飲茶點心都有優惠，四個人食咗13樣嘢都係$230，早上食有點心孖寶，仲要即叫點心即蒸，上枱每一樣野都是熱辣辣的，連鳳爪排骨飯嘅飯都係粒粒分明，唔會黐埋一齊好好食，

今早如常去煌府酒家茶早茶，我點了3個點心，一個飯，一個孖寶，排骨和鮮蝦豆苗餃，豆苗餃來錯變了粉果，我叫經理換又5換不突止，夠瞻同我講，明天來再補給我食，我話明天不來，仲不換給我，攪到我去收銀到嘈，錢是少，這樣的服務我也第一次遇到，一定不會再有下次幫襯

早上如常收工去煌府飮茶，要自己冲茶，同攞盅頭飯，點心要自己劃的，我點了孖寶，一碟排骨同鮮嘏菜苗餃，排骨如常來，鮮蝦菜苗餃來錯變成了粉果，食了一口感覺不對版叫經理換，經理反而不換，叫我明天來先比我食，我已經說明天不來！去收銀到嘈又叫我搵經理，不知所謂的店鋪！一定再冇下次光顧

這間酒樓開業已經有一年多，但食評不超過十篇，晚市的更少，到底是沉默的食客佔大多數，還是真的很少人去食？不得而知。不過，位置上比較「吊腳」卻又為事實，處於荔枝角及長沙灣地鐵站之間，前身是長沙灣郵政局，雖然有巴士站，但又不是每線巴士都直接停在門口，地置有點不方便。食物方面，當晚點了三個餸。包括雞粒豆付煲、薑蔥桶蠔煲、及川味水煮牛肉。總結來說，最好點廣東菜，味道稱得上是夠水準，材料也新鮮，份量就是較少；但是那個水煮牛肉，就真的不好吃。味道不夠麻不夠辣，牛肉不夠嫩滑醇厚，最差勁的是配菜及高湯，湯汁混濁不堪、配菜也不甚正宗，辣椒也不夠。會點這個菜的原因，是因為不久前去過稻成吃，那個水煮牛超級好味道，自此也愛上了這道菜，但這個水煮牛，真是令人失望至極。既然要做就應該做正宗的，這樣不倫不類，還不如取消好了！

今午在這間名為煌府飲茶，我叫了燒賣及瑤柱蛋白炒飯。燒賣外形賣相鮮明，入口有肉味，也不太硬，亦非常有𡁻口，都幾好味，值得一讚。至於瑤柱蛋白炒飯，我認都炒得好好，飯很乾身及爽口。

一家5人本來開開心心公眾假期飲茶，比一個員工搞到勁掃慶!食點心途中突然間兩個廚房佬打交打到出門口，大吵大鬧，全部食客望住佢地兩個，完全影響興致。員工執碟走掛住睇兩個廚房佬表演，將豉油倒在我的家人身上，轉頭就走左去，叫她番轉頭才完全沒有歉意地說對唔住，就轉頭走了，叫他拿濕紙巾但完全沒有理會，超級差的服務態度! 其他同事解釋說她是替工，只在這做兩天，替工就不是你們的員工？替工就可以這樣的服務態度？真可笑!

朋友仔相約下午去佈道會，先一齊食個午餐當生日飯，剛下車不久就落大雨，見巴士站附近有間煌府，最想要搵個方坐低就好，而且煌府應該OK吧。皮蛋瘦肉粥肉落雨寒寒哋最好食碗粥，咸瘦肉絲都幾多，皮蛋細細粒夠出味蝦餃每籠兩隻，人少少啱晒，蝦餃皮一夾就散，食味不錯。呢餐最好食嘅點心，蝦有蝦味，豬肉有鮮味野菌雲耳浸菜苗清淡鮮味，好食唔油潮州蒸粉果又係一挾就散，無晒興趣，餡係OK嘅時菜鯪魚球，唔見有菜，無咩魚味，剩一個也不想吃叉燒包醬色比較深，欠缺香味，餡醬多肉少。貪得叫嘅甜薯小豬嘜味道較甜，反而無咩薯味。焦糖燉蛋OK杏仁茶口味偏甜，質感粗糙，熟透蛋白一大塊進食期間，仲見到小強在附近牆壁爬行。

*行年宵前醫飽個肚先*煌府婚宴專門店*心心即興約朋友，黎到長沙灣與荔枝角中間轉角位既酒樓。*裝潢非常精緻，滿滿水晶吊燈，鏡柱等，周圍都光鮮亮麗，晶瑩剔透。*心心與朋友一齊點左幾款小食同埋炒河。*今年豬年，依間酒樓特別推出立體豬仔樣既甜薯小豬嘜，實際上就係豬仔樣既包，入面係甜薯餡，賣相可愛，非常適合拍照打卡。*蘿蔔千絲酥用一個大方得體既容器盛載，充滿高級格調。食落去有千絲萬縷既蘿蔔絲，外面酥脆鬆軟，值得推薦比大家。*醬汁蒸鳳爪，野菌雲耳浸菜苗，燒賣，蝦腸，叉燒包，燒腩仔，小籠包…食完晒真係飽。*一班人聚餐非常適合。#foodie #foodporn #Openrice #instalikesandfollowers4u #tbt #rocket_hastags #l4l #instadaily #commentforcomment #picoftheday #takeaway

1） 上點心時打瀉茶，客人一身濕沒有道歉就走，要叫才拎餐巾！2） 點心漏單要不停追，食得辛苦3）漏單點心一說埋單就馬上到，客人說不要取消，就話客人野蠻！追單都追半小時，趕回公司不用做嘛？很受氣，不會再黎了！

數次食早市及下午茶，舉手要求入單，著黑衫嘅經理行過都扮睇唔到，好幾個(近同遠距離)用隻眼望完就算，全部伙記嘅表情都好似死老豆咁，見到都唔開胃，當然之後嚟嘅野食都唔好食，性價比低。食物方面，炸魷魚(價值:$6x左右)，嚟到桌上唔熱又淋；煎薄餅口感偏韌，份量不足；燒味粉麵的燒味口感欠奉、肥膩，難以咀嚼。