草苑韓國料理 (已結業) 查看

工作已經佔據左我大部份時間，放工腦海都不由自主想著公司的人與事，有時發夢都會夢到，不過昨日出街食飯就令我很開心。向來好鍾意食星馬泰、台灣同韓國菜，一大班人來到草苑，叫到成台都係食物，不消一句鐘已清晒上食品，好滿足，感覺真好，仲可以平衡返工食少做多的消耗。睇宮見女主角咁鍾意食韓國年糕，好想試下係咪真係咁好食。果然真係好野味，大大碟紅色的年糕一上，已經開心到彈左起身，圓條年糕、青蕉，其他配菜再加上濃濃的將汁，已經令我食指大動，一舊年糕放入口，將汁甜甜地，年糕口感十足，超好味。大家到草苑食韓國野，除左食公認入味的牛排骨，同鮮味海鮮鍋外，記住試呢個菜!!!

跟太太shopping，行到腳仔軟，結果都係賣唔到D乜...都係揾食實際D...忽然想食韓國嘢。身在尖咀，唔想去小韓國街嗰邊。想起呢間算少人知D嘅上樓舖，自己又從未試過，於是就帶埋太太去try try..按照一般慣例先嚟八小碟。都係普通嘅大豆芽、辣kimchi、辣豆腐粒、江魚仔等等，無甚看頭...自己不嬲都唔鐘意韓燒。真正嘅韓國菜當然不單只韓燒一味la，仲有炆牛肋骨、蛋包蝦、牛腸鍋、泡菜烚五花腩、炸醬麵...諗起都流晒水...自己嘅favourite當然係炆牛肋骨煲。份量跟莊園有得揮，食極到食唔完咁。肉都算幾入味及軟糯，但又未致於入口即化，ok la；汁調味得比其他地方甜，太座極喜歡，不停用羹嗶嚟飲。對我嚟講，最好反而係炆得入晒味嘅蘿蔔...泡菜炒飯極之普通，冇乜味；泡菜味道又温温吞吞，失望...蛋包海鮮拼盤份量超大。除蝦及魚外，仲有大量瓜菜及釀有肉碎嘅冬菇。堪稱韓式tempura。好"漏"，味道不過不失...結果係食剩一大碟，極之浪費，罪過罪過...

又係一個平日的晚上, 又係食韓烤.乘升降機上了二樓, 環境係普普通通. 那時還是十二月, 差不多臺臺都在食煙, 加上韓烤, 空氣係不可能清新. 而且身處香港, 亦沒有雪花去化解那份煙霧.先來一大堆前菜, 對於我們, 依然以粉絲做主力.烤牛肋骨: 9分, 要了個特級的烤牛肋骨, 收$160, 比普通的貴幾十蚊, 但肉質係比較靚, 肥瘦均勻, 連著骨的肉有小小肥羔, 稍為烤一烤, 相當美味.醃得不算太濃, 但烤完的肉係好入味.牛肋骨煲: 8分, 比烤牛肋骨的口感較差, 始終烤肉係香口點. 牛肋骨煲就勝在味道濃郁點. 這個牛肋骨的肉係幾淋, 蘿蔔亦鮮甜, 但跟莊園還有點點距離.加上免費的白飯去撈汁, 依然感動.海帶湯: 8分, 要了一個海帶湯清熱. 味道鮮甜, 相當多配料. 由於文迪唔多食海帶, 我一個人清了不少.水準不俗, 下次來都要再食烤牛肋骨.

早一陣子和老婆仔到草苑吃午飯, 可能時間太晏, 只有小貓三幾隻。一望餐牌, 發覺款色不太多, 便叫了牛肋骨煲﹑蜆豆腐湯及清湯麵各一客。個人認為牛肋骨偏甜, 老婆仔則說不錯了; 最差是蜆豆腐湯, 一隻蜆也沒有找到, 只有數隻”旺菜”及很多豆腐, 豆腐雖滑, 但沒有蜆那種鮮味, 確是名不副實。最後, 湯輀真的是清清的, 也算大碗, 以價錢來說是貴了點, 可能已把十碟泡菜的價錢也算在內了。整體來說, 只可說不過不失罷了。

睇見大家d 評語都唔錯, 所以前幾日去左草苑食晚飯.一行六人, 叫了一個四人燒烤餐+ 韓國炒年糕, 煎薄餅...味道算ok, 但又唔係想像中咁好.可能位置比較隔涉, 平日晚飯唔滿座.btw, lee 間餐廳上一手係任食韓燒. 可能太平做唔住啦

工作已經佔據左我大部份時間，放工腦海都不由自主想著公司的人與事，有時發夢都會夢到，不過昨日出街食飯就令我很開心。向來好鍾意食星馬泰、台灣同韓國菜，一大班人來到草苑，叫到成台都係食物，不消一句鐘已清晒上食品，好滿足，感覺真好，仲可以平衡返工食少做多的消耗。睇宮見女主角咁鍾意食韓國年糕，好想試下係咪真係咁好食。果然真係好野味，大大碟紅色的年糕一上，已經開心到彈左起身，圓條年糕、青蕉，其他配菜再加上濃濃的將汁，已經令我食指大動，一舊年糕放入口，將汁甜甜地，年糕口感十足，超好味。大家到草苑食韓國野，除左食公認入味的牛排骨，同鮮味海鮮鍋外，記住試呢個菜!!!

如果早知假期沒有特價午餐，我們未必會來。打開餐牌，發覺大多是燒烤的介紹，由於不是一心來食韓燒，一時間也不知如何選擇。結果要了一個4人餐($600)，當中包括韓燒、石頭飯和薄餅，另加必試的炆牛肋骨($130)。未飲過韓國燒酒，也要了一枝真露($60)讓大家試試。前菜7款，都是尋常的那幾樣，普普通通，泡菜我就嫌不夠辣。牛肋骨則頗有水準，炆得好腍，蘿蔔亦甜美，而且分量不小。燒物之中，最好的要算是雞肉，醃得入味，燒出來仍嫩滑。燒大蝦則是外表吸引，食落麻麻，不單不爽口，更有霉的感覺。石頭飯和薄餅亦屬一般，前者濕濕的，不對辦；後者則是淋的，並不香脆，不知是否應是這樣，我卻不大喜歡。真露相當易入喉，不過席上並非每個人也讚賞，對我來說，它似火酒，當然是淺嚐即止。當日差不多全程包場，期間只有一個相信是韓國來的旅行團來食快餐(因為人未到，侍應已先開爐準備，十多人來了又三扒兩撥的吃完便走，前後也不夠半句鐘)。雖然是那麼冷清，但是侍應還是趕什麼似的，快快手手的幫我們將幾樣生肉放上烤爐燒，有種被催迫的感覺。

與友人來傾一傾國家大事，揀了間闢一點的餐廳。甚為家庭feel的韓國料理，是晚吃不得辣，走穩陣路線，炆牛肋骨、海帶湯及冷麵，二人分剛好。前菜來前，聽友人分享著最近的變奏，早前受了對方不少恩惠，面對著一堆爛攤子，還是那句：「幫到手的請說。」。前菜9碟，友人問是固定的9碟麼，沒有答案，只知韓國人三數碟前菜伴飯又是一餐。這9碟前菜，夠我倆吃個半飽。泡菜爽卻嫌不夠酸、辣，漬魚仔味道亦是一般，要是甜一點會更好。炆牛勒骨友人吃的甚是滋味，此品醬汁夠甜夠濃，但牛肋骨卻炆得太散，筷子一夾即散開，遠不及莊園來的實淨而入味。海帶湯夠鮮甜，加了點蒜粒提味，亦不錯，但要趁熱氣，凍了變得腥起來，鮮、腥只是一線之差。冷麵的sauce是酸中帶甜，味道一般，勝在配料足，幾件蘿蔔蠻夠咬口的，但說到冷麵秘苑或梨花苑做得更好。苦中帶喜，愉快的一餐，撇除食物，還有其他因素加插在內，又上了一課。祝雨過天晴。

i had a 炆牛肋骨, 燒蝦, fish, and 泡菜湯...i think the best one is the 炆牛肋骨~~ you must try it!!the shrimp and fish were ok ge~~ but nothing special, only fresh low~~although i think the 泡菜湯wasnt spicy enough, actually, it wasnt spicy at all~~ it cost about $450 for 2 people. which is not too expensive!through out, it was ok ge, i would give a mark of 70% to this restrurant...

叫咗super 牛肋骨...燒蝦...水冷noodle..2支啤酒..d份量都幾大,同埋d牛肋骨好大碟..蝦好新鮮..仲有兩個人都俾九碟小菜,碟碟都大碟...依家去到冇d韓烤店..有d見你得2個人,會俾少一/兩碟...招呼唔錯..值得一去...

幾位男士，又約吃飯，是次由專兄提議，來了這裡吃韓國菜。個市先跌後升，我自然又要遲到早退，來的時候，只見大王與專兄已打點一切。先來八碟前菜，泡菜是一貫的夠辣，如果能酸一點就更佳；甜薯仔是意外的不太夠甜，反而醬豆腐更好吃。四個人叫了四個餐，分別是泡菜炒飯、炆牛肋骨，牛骨湯飯及泡菜湯。先吃件牛肋骨，專兄說規格跟晚市的不大相同，價錢平一半，都無可厚非。吃落是甜美又鬆化，挑了帶肥肉的一件，甘香可口，以午餐價錢，單吃這個已超值；牛骨湯味道不算最好，但都隱約喝得鮮甜。之前看過錦城的食評，說那裡的牛骨湯是堅持不下鹽的，其實這裡的牛骨湯也是一樣的；相比之下，更喜歡泡菜湯，夠辣夠味道，配菜亦夠多，用來下韓式米飯真不錯。見對面食友喝一點便一頭是汗，唯有幫他一把，將其快速消滅；泡菜炒飯亦好，有隻煎蛋在面，賣相一流。足料又炒得夠乾身，米粒亦煙韌，都不錯。傾下最近發生的有趣事，轉眼就要返回工作崗位，好在下星期又有「小姐Lunch」。埋單50蚊，以食物質數計，絕對經濟抵食。想看多一點照片，可以來這裡：http://www.imagestation.com/album/pictures.html?id=2104448

同事忽然想試吓呢間韓國餐廳, 於是便於午飯時間一試.到後時, 見到滿滿的, 比新羅寶和梨花園有過之而無不及. 後來發現原來大部份都係韓國旅行團.韓國食物, 好似唔試吓牛肋骨和石頭飯, 就試唔真咁, 所以試吓先!呢度d牛肋骨都炆得幾焾, 個炊都ok, 唔係太杰...都幾ok! 個石頭飯細細地, 但熱辣辣, 所以攪拌後已有飯焦, 幾香!可惜的是, 這裡的服務好一般, 一個貎似香港男人的態度好一般. 樣樣都話"要另外俾錢架". 有咪有, 冇咪冇囉, 呢個唔係問題, 我們都冇講d咩, 話午餐唔包咪ok囉! 我聽咗覺得唔係幾舒服囉....

是日麻甩，按專兄的提議，試試這裡的lunch。是2樓舖，幾唔顯眼，眼角唔夠高的話都望唔到個牌。甫坐下，已見檯上放著9碟前菜，來個8星般月，將薯仔放在中間，影出來的效果唔錯。起身頭赤得很，唔敢吃泡菜，隨便的撿了件薯仔過口癮，微甜唔錯。然後是牛肋骨湯、炒飯伴煎蛋、炆牛肋骨及牛肉煲的酸辣湯（唔知菜名）。炆牛肋骨是吃韓菜其中一道必叫之作，與專兄夜晚吃的由出入，配料幾單薄，汁較薄而微甜，少了分夜晚才有紅棗味，肋骨炆得幾腍，只嫌件頭唔大，入口都係差咁少少，論味道及件頭都是莊園的比較出色，當然價錢亦比這裡貴30%左右。牛肋骨湯喝過的不多，不敢說這裡的牛肋骨湯水準以上，但入口微黏而帶淡淡的鮮味，又清又鮮，完全唔需要下鹽（偶是執人口水沫講的），飲完吃件煲得幾軟的肋骨，都幾滿足。炒飯看似是專兄的最愛，是了幾次好味，有的沒的撿些來吃，微辣而香，天生對炒飯敏感，算是試過了，亦唔錯，但不敢多吃。至於酸辣湯，帶陣陣香料味，感覺唔夠酸，唔多識欣賞，說韓國酸辣湯，還是喜歡用海鮮做料來煲，如名家的酸辣海鮮，下了蜆，又鮮又辣又酸，甚是滋味。當然不能用海鮮與牛來比，只是確得海鮮比較對口味而已。整體而言，水準唔錯，平均每人$

向來頗喜歡韓菜﹐炆牛肋骨煲更加是我最愛吃的菜式之一。見食友浚兄及Olivian 都推介草苑的炆牛肋骨﹐立刻和太太去試試。星期六晚八時半﹐餐廳入座率只約七成﹐環境是較為傳統的韓國風格但又未致於家庭式的那種。由於不想吃燒烤﹐所以散叫了以下三樣﹐薄切生牛肉﹐炆牛排骨(即牛肋骨)﹐和雜錦石頭窩飯。和其它的韓國餐館一樣﹐主菜未到﹐先來冷盤小碟﹔一共來了十碟﹐味道很不錯﹐而以二人份量來說﹐可算是陣容鼎盛﹐聲勢奪人。當中最好味的是小魚乾。再來的是薄切生牛肉﹐極具份量﹐賣相相當有震撼力﹔用眼去看﹐色嫩紅﹐肉汁滿盈; 拌而辣椒﹑香葉及洋蔥絲等入口﹐肉味鮮甜中帶清爽, 相比起新羅寶﹐價錢一樣﹐而草苑的肉質明顯較優但脂肪及香味就略有不及﹐不過以份量計﹐仍不失為一個好選擇。但始終屬生肉類, 少食多滋味﹐較適合四人或以上享用。炆牛肋骨以金屬窩上﹐熱度十足﹐雖然賣相並不特別吸引﹐但打開蓋已傳來肉香﹐看看湯汁並非濃厚一類﹐但淺嚐一口﹐甘甜無比﹐濃郁的紅棗香味是別家所無﹔牛肋骨已炆得完全入味且肉質酥軟不韌﹐貼著骨頭的筋膜亦可以輕易咬開﹔吃罷筋肉再吮其骨髓汁﹐味覺口感皆滿分。此窩賣百三﹐雖說不上便宜﹐但絕對值得一試。至

我都係睇評分至揀呢度~貪佢冇劣評丫嘛我果日去到時冇乜人,因為6點幾同男朋友兩個人淨係叫左個燒烤餐,都不外乎牛肉豬肉雞肉...幾好味啦我地淨係叫左個餐已經飽la, 其實係我覺得係咁食肉食到好"膩"..所以如果少人散叫可能都係一個不錯的選擇!前菜都ok,我又唔覺得特別好食, 服務都唔錯ga, 成日幫我燒肉加茶換燒野果塊板(我唔知叫咩..我想你地明的^^")整體黎講足以俾個good佢嫁!佢差既地方係個waitress 幫我地夾d肉去燒果陣,有塊肉跌左落d 前菜...佢當冇野lor...生嫁嘛d肉..之後咪唔敢食碟野@@