靚煲皇

營業中

休息中

今天去到靚煲皇回味一番香港的口味-豬骨煲，原來此店已開業了20年，今晚來食晚飯，收到將營業到5月15日結業此消息，感到10分可惜無奈。因為此店令到我和朋友們有很多的過往快樂回憶和與別不同獨特的味道，我對於此店的出品已經十分有信心，特別是新鮮的火鍋生料，還有他們自家製的水餃和雲吞，手打墨魚滑及蝦滑，即叫即炸的響鈴，最主要就係新鮮的本地肥牛牛肉，都係食火鍋最重要的食材！夠新鮮已經贏晒，我和我朋友一共三個人，吃得很回味，個湯底特別吸引，我們喝了一啖又一啖，店員不斷為我們家新鮮的豬骨湯！好飽滿！我們決定把握時間在此店結業，之前會再來一次大型聚會！ ！

一年四季都鍾意食火鍋, 唔同湯底一年四季都可以配搭. 黎個藥膳醉雞煲, 可以補一補血氣, 等身體血液循環D.雖然係藥膳, 但唔算好中藥味味道, 易入口夠清甜. 雞件肉質滑溜唔鞋口.極上肥牛都係唔少得, 肥牛脂肪分怖平均, 肉質入口軟嫩, 肉味濃郁.鯇魚片好新鮮, 似係即劏即上碟, 所以肉質特別嫩滑, 而且起好晒骨無腥味.牛柏頁淥一淥唔好過熟, 特別爽口彈牙.仲有雲吞韭菜餃, 每粒都包得好大粒, 皮夠薄, 夠足料.

香港食肆最近執左好多, 眼見好味既餐廳越黎越小, 為左支持下佢地, 假日都唔北上, 留返香港同朋友聚舊打邊爐.因為呢帶好濕, 所以湯底要左個胡椒豬骨煲, 飲左幾啖湯, 胡椒味濃帶微微胡椒既辣, 好開胃, 啱晒潮濕天氣, 驅下濕, 連個胃都舒服左.另外湯底既豬骨好足料, 豬骨每舊都好大, 可以食埋豬骨入面既精髓.黑牛柏葉, 唔係好多地方有, 份量足, 入口新鮮爽口.手打墨魚滑, 打得好膠身, 食落特別彈牙, 好鮮墨魚味.雙拼雲吞韭菜餃, 好大隻, 餡料豐富, 食到新鮮既韭菜香味.仲有白魚蛋同蟹柳, 都係份量足, 蟹柳吸收晒胡椒豬骨既味道, 更加好味.

尋晚自己一個喺旺角度行街散心，咁啱行過見到靚煲皇，諗住天氣咁凍打邊爐暖下身都好，入到去同個店員講一位，個店員都照比張大枱我坐，等我坐得舒服啲，服務好周到👍尋日天氣都幾凍，我就叫咗個特香胡椒豬骨煲，個湯好夠胡椒味，飲完之後成個身暖笠笠，而且個湯仲好香豬骨味，啲筒骨唔係淨係得骨，係有啲軟骨黐住，同埋入邊係有骨髓嘅，舊舊都有肉！我仲叫咗細嘅手切肥牛，肥鵝腸，同埋新鮮海蝦，個手切肥牛，十足牛香味，啱晒我唔鍾意好肥膩嘅牛肉，係新鮮嘅牛頸脊位，肥鵝腸夠晒爽口彈牙，個海蝦feel到係新鮮嘅蝦，肉質唔會霉有彈性，淥完啲蝦之後個湯底仲多咗蝦鮮味，令到個湯更加鮮味十足，啲份量都好足料，加上個煲有好多材料，有粟米同埋白紅蘿蔔，啲豬骨每嚿都好大嚿，搞到最後要打包食物拎走🤣會有下次！

麻辣雞煲，夠麻辣香口，啱晒我地男人攞嚟一邊飲啤酒一邊食，食隻雞就叫店員加湯打邊爐，個台山蠔雖然size比唔上美國桶蠔咁大，但比美國桶蠔更加夠鮮蠔味，又唔會食到沙同蠔殼碎，D蠔清洗得幾細心乾淨，個牛胸爽好爽夠牛味，一食落口就成口都係陣牛油香味，正！個雪花肥牛，一上枱有驚喜，仲以為同出面嗰啲打邊爐一樣，係好似佳寶嗰啲一卷卷既牛咁，係就係牛肉，但一啲牛味都冇，呢度既竟然牛味好足，價錢仲好抵，唔係薄薄地一片同一層！仲叫咗個萵筍同埋生根，萵筍配麻辣湯絕配，新鮮清爽嘅萵筍味同香濃嘅麻辣湯味絕配👍👍啲生根吸滿滿嘅湯汁香麻辣湯汁真係超正，呢間打邊爐好食，仲可以坐室外，氣氛好啱同兄弟嚟一路食一路啤啤佢，下次再叫多啲人嚟試埋其他煲底同埋其他菜式✌🏻✌🏻

今年白色情人節咁凍，梗係拉埋男朋友去打邊爐啦🤤同完男朋友行完街睇完戲想打邊爐，但已經12點幾又唔想食放題打邊爐劣食，上OpenRice search 到靚煲皇開到4:00就即刻打電話去book位啦😎一坐低店員就即刻攞茶比我地洗碗筷同埋醬芥比我地，服務都唔錯👍🏻我就叫咗個皮蛋芫荽湯底，個湯底就中規中矩啦，有芫荽香味又食得出皮蛋既味道，幾有層次，我地叫咗個細極上肥牛，手打蟹籽蝦丸同黑柏葉，個丸一睇就手打既，大小都一樣，好濃蝦味，黑柏葉好爽口，食得出你係新鮮嘅😋，大讃個肥牛🤤🤤超正 好有牛味，又肥而不膩，一定係新鮮牛肉唔係急凍牛，分量好夠！貨真價實，會再嚟食過😋🤤👍🏻

放假無野做, 又搵埋D朋友一齊打邊爐, 邊食邊傾.傳統D要個澳門豬骨煲, 個煲好足料, 有大豬骨, 粟米, 大蔥等等, 豬骨味濃, 清甜唔油膩.而家好興食牛胸爽, 唔知以為佢好油, 但係食落非常之爽口, 帶點韌勁 絕對唔油, 係比較少食到既牛稀有部份.台山生蠔隻隻都好大, 非常飽滿肥美, 好鮮既蠔味, 爽滑又彈牙.仲有鴨血, 好有益既食物, 口感細嫩, 有彈性, 無腥味, 唔會一淥就散開, 有口感.

今日同屋企人食團年飯 怕凍嘅我首選就係打邊爐啦 一於去返靚煲皇 之前人少試唔到好多嘢食 今次人多終於可以食多啲其他嘢 上次食咗個胡椒豬骨煲 今次就食佢嘅招牌靚煲皇啦 我哋人多諗住叫多個煲 又想食香D辣辣地暖下身 店員同我哋推介麻辣香雞煲 話我哋除咗豬骨煲之外 雞煲都好出名 咁就一於試吓啦 靚煲皇一上嚟之後 我哋打開個蓋望一望 全台哇咗出嚟”哇！咁大煲嘅🤩”超級足料 有豬骨，不單止仲有扇貝吊片 令到本身濃郁嘅豬骨湯又有海鮮嘅鮮味 令個湯底更上一層樓🫣 個雞煲更加唔使講 一攞出嚟成間店都聞到個香味 店員仲好用心咁幫我哋炒返香過芫荽 哇香到🥲依家諗返都想食🤤😹我哋盡快就清晒個雞煲 就叫店員幫我哋加湯打邊爐🫣我地今次叫咗好多生料 有極上同手切牛肉 我哋唔知有咩分別 問店員嘅時候佢哋都好耐心咁回答我🫡學到嘢 原來手切係牛頸脊 極上係安格斯😳咁梗係食牛頸脊啦😽咁多人梗係要大㗎啦 個牛肉好有牛味 啱晒我 好怕食到啲好油膩嘅牛肉 但又驚唔夠肥會好韌 呢個又重牛味又完全唔韌😼不得不提 個黃沙豬膶真係超級好食😋個豬膶竟然係彈身架！未食過咁嘅豬膶👍🏻🤤🤤真係必食！！！仲有太極鴛鴦滑 啱晒選擇困難症嘅我😹一個

呢排溫度急降, 食火鍋既情緒即時高漲, 但係我又好懶, 唔想買又唔想洗, 所以最好都係出街食.因為要食火鍋配料既原汁原味, 所以揀左簡單D既豬骨煲湯底, 煲到奶白色, 豬骨味特別濃.呢度既肥牛好大碟, 夠足料. 肉與脂肪平均, 入口軟腍, 因為夠新鮮, 所以好重既牛肉肉香味, 無雪藏味.即炸響令就咁食好鬆化, 唔油膩, 再落湯度拖一拖, 索埋D豬骨湯, 入晒味仲正.雙拼手打蝦滑, 墨魚滑, 手打特別彈牙爽口, 而且蝦味同墨魚味都好出, 無溝其他雜料, 而且鍾意自己刮大粒或細粒去淥, 夠讚. 

雖然香港無左冬天, 但係邊爐就日日都可以打既.想同朋友慢慢傾下偈食下野, 所以黎靚煲皇最好, 因為收得夜, 又唔似其他餐廳吹交枱.朋友唔想太重口味, 湯底要個正宗豬骨煲, 里面用左好多大大舊既豬骨肴湯底, 非常濃郁既豬骨味, 仲可以食埋骨上面既肉絲, 再加埋粟米, 個湯飲落更加清甜, 果然夠真材實料.打邊爐又點少得牛肉, 每片都切得剛剛好, 唔會太厚, 淥一淥已經食得, 唔會過晒火變韌.雖然邪惡, 但鵝腸都係必點, 每條都夠肥厚, 但食落口感好爽脆.

疫情之後好多餐廳都好早收，同朋友睇完戲都已經成十點，苦惱緊去邊度食野。好彩睇openrice見呢間餐廳收半夜四點，咁就啱晒我地可以一路食一路傾。夜媽媽最啱食重口味既麻辣雞煲，個煲一上枱已經非常香，再炒一下更加惹味。食落麻味豐富，同出面其他雞煲好唔同。雞件夠滑，每件都啖啖肉。另外叫左熟食，自家製脆香雞軟骨，夠乾身，個皮唔會好油既感覺。有少許蒜香味，香口野最啱宵夜食。冷盤有特色白滷水拼盤，有鴨件，腎，腸等等，滷得好入味，酸酸地送埋酒一齊食最啱最開胃。一路慢慢食食到半夜，而家香港真係好少有開到咁夜既餐廳。

天寒地凍最啱就係食火鍋，呢度既豬骨煲最真材實料，又有香港地道特色。呢個豬骨煲用左特選既豬骨（有豬湯骨，豬軟骨，豬筒骨，豬手骨），真係所有豬骨既精華都齊全。仲配埋鮮帶子，蝦乾吊片，粟米蘿蔔，所以一飲個湯底，真係特別鮮甜，特別濃厚既豬骨味，剩係飲晒個湯都值回票價，以往香港地道風味既回憶即刻返晒黎。仲有呢度自家製火鍋配料，特別係韭菜餃，個皮又夠薄，隻隻都包到漲卜卜，餡料多到滿瀉，食左好有滿足感。另外蟹籽手打墨魚滑都好出名，因為手打特別彈牙爽口，墨魚味道又夠鮮。

近排天氣逐漸轉涼 係social media見到靚煲皇 D嘢食好似好正 見到評論多數係好評 收工即刻訂埋台 約班friend去食入到去服務好到驚 一早聽聞雞煲好正 諗都唔使諗 即刻落單 我哋嗌咗微辣 但係麻辣味超香 食完即刻暖笠笠 D雞勁大舊 超級好食！食完雞煲之後 然後就加湯打邊爐 我哋嗌咗細份嘅極上肥牛 黑豚肉 黃沙豬潤 皇帝菜 油麥菜 鮮淮山 極上肥牛超級好食 好重牛味 勁正 唔同熟度 有唔同嘅口感 過黎一定要嗌 唔似出邊d牛 冇乜味 黑豚肉嘅肉質細嫩 冇腥味 口感特別鮮美 同埋d黃沙豬潤 好新鮮 冇乜異味 一食就知係當日黎貨 勁新鮮！！！連我兩個friend食到都回味無窮😋人均300蚊💸咁嘅價格 配上咁嘅嘢食 抵到爛啦！下次一定會再黎 今次冇嗌到個靚煲皇 見到隔離台 雖然冇食到但係見到都好正 陣味超香 🤩扇貝超大粒 配菜都好多🤤 聽老板講 鋪頭開到好夜 宵夜又有多個選擇啦☺️

呢幾日天氣轉涼咗好多，食返個打邊爐暖下個身先，上OpenRice search吓旺角火鍋第一眼就見到靚煲皇呢個名，我就諗靚煲皇🤔一於去試吓佢有幾靚煲先🫣一去到門口，見到門口有幾台枱已經喺度打緊邊爐，跟住就有個職員行出嚟笑口滿面招呼我哋問我哋幾位，我哋話三位，佢問我哋坐室內定室外，我就怕凍選擇坐室內，一坐低call姐姐就好熱情咁攞啲Menu出嚟俾我哋睇，我哋問佢有咩介紹，推介咗我哋呢個招牌「胡椒豬骨煲」既然天氣咁凍，叫個胡椒煲都好，而且清清淡淡，飲個湯暖下身，個煲一上到嚟之後，就冚住個蓋煲滾佢先，一等出煙嘅時候職員就即刻跑過嚟幫我哋校細個火開蓋，一開蓋豬骨煲個胡椒味就已經撲面而來，一聞落去已經好香，我哋即刻不啖頭湯飲吓先，一飲落去係好重而不搶味胡椒味，中段係濃郁嘅豬骨味，尾段係淡淡清甜嘅粟米蘿蔔味蔬菜味😳完全唔似出面嗰啲用史雲生沖出嚟嗰啲咁，飲完啖湯之後即刻食入邊啲料，一low起身就已經係大大舊嘅豬筒骨，滿滿嘅骨膠原🥹啱晒我哋呢啲女人補皮膚👅👅最下低係一啲紅蘿蔔白蘿蔔🥕同埋超級甜嘅粟米🌽回味無窮，果然係靚煲皇😹個煲已經咁正🙈生料上菜速度亦都非常快，我哋叫咗新鮮海蝦、炸芋頭、手包韭菜餃、鮮

前幾日老豆🧓🏻生日 🎂 仲喺度諗緊去邊度食下好嘢慶祝下🍻 呢幾排天氣凍咗 就打開OpenRice睇下有咩打邊爐推介 就見到靚煲皇 呢個名幾得意 入面啲食評都好高分 所以喺個app上面訂咗枱老豆一坐低就叫左幾支啤酒 🤣 開始點嘢食 冇咩諗頭 就問下店員有咩推介 佢都好耐心咁樣同我地講 我哋叫咗個生招牌靚煲皇湯底 唔係講笑 入面啲材料好豐富 扇貝好似我個手掌咁大叫左炸午餐肉 炸魚皮 因為新鮮即炸 配啤酒一流👍🏻 再叫個手切肥牛 半隻雞 鴨血 什菌籃 脆鯇片 黑牛柏葉 再加多個四寶餃 所有食材都好新鮮🤤 四寶餃問店員係佢哋自己包架 大大隻！手切肥一定要試 超重牛味 唔叫返個等於冇嚟過 連老豆咁嘴刁都話下次同d朋友一齊嚟我地喺嗰度切埋蛋糕 唔記得拎蠟燭 好彩嘅係佢哋舖頭有 仲同埋我地一齊唱生日歌添 氣氛一流！下次會再嚟