靚煲皇

營業中

休息中

尋晚自己一個喺旺角度行街散心，咁啱行過見到靚煲皇，諗住天氣咁凍打邊爐暖下身都好，入到去同個店員講一位，個店員都照比張大枱我坐，等我坐得舒服啲，服務好周到👍尋日天氣都幾凍，我就叫咗個特香胡椒豬骨煲，個湯好夠胡椒味，飲完之後成個身暖笠笠，而且個湯仲好香豬骨味，啲筒骨唔係淨係得骨，係有啲軟骨黐住，同埋入邊係有骨髓嘅，舊舊都有肉！我仲叫咗細嘅手切肥牛，肥鵝腸，同埋新鮮海蝦，個手切肥牛，十足牛香味，啱晒我唔鍾意好肥膩嘅牛肉，係新鮮嘅牛頸脊位，肥鵝腸夠晒爽口彈牙，個海蝦feel到係新鮮嘅蝦，肉質唔會霉有彈性，淥完啲蝦之後個湯底仲多咗蝦鮮味，令到個湯更加鮮味十足，啲份量都好足料，加上個煲有好多材料，有粟米同埋白紅蘿蔔，啲豬骨每嚿都好大嚿，搞到最後要打包食物拎走🤣會有下次！