樂天皇朝 (雅蘭中心)

營業中

休息中

【油尖旺區】【樂天皇朝】之前同大家提及過我有位澳門朋友羅總，今次到佢嚟香港玩，就當然要聚吓啦。喺旺角大球場一齊睇完港超聯賽會盃嘅決賽，佢都仲抽到時間同我食飯，就去咗旺角搵嘢食。大家都唔係好想食到咁刺激，就入咗呢間中式餐廳。枱面嗰兜栗子花生就收咗 $15 嘅「小食」錢，照食囉。然後 $83 嘅「香辣蒜泥白肉」都幾好，中間夾啲菜冇咁寡。而 $72 嘅「生炒油麥菜」都係農作物，但都令我食指大動，炒得都幾有鑊氣，跟住就到 $142 嘅「皇朝小籠包」。佢係有八件唔同味道嘅小籠包，亦都有教客人點樣由淡味食到濃味，幾好，味道亦都唔錯。我哋都叫咗 $218 嘅「川味水煮美國牛小排」，幾辣，但我都食咗唔少，幾惹味嘛。羅總亦都叫咗 $68 嘅「皇朝擔擔拉麵」自用，okay 喎。最後仲有 $58 嘅「蟹粉鍋貼」三件同 $85 嘅「紅油鮮蝦豬肉抄手」，兩者差唔多，正常合理水準。嘢飲方面，我哋叫咗 $22 嘅「檸檬菊花蜜」同 $20 嘅「羅漢果茶」，加埋 $20 嘅「茶位」錢，連加一 $883.3，唔平嘅晚餐選擇。。。（地址：旺角彌敦道625 & 639號雅蘭中心2樓203&205號舖）#1amfoodie #