影片
更多
2023-09-18
2325 瀏覽
定食どらや Japanese Restaurant Doraya📍尖沙咀厚福街8號H8 6樓呢日喺尖沙咀睇完牙，朋友放工過嚟陪我食晚飯。日本宣布咗排核廢水後，我哋都無食過日本嘢，對於好愛食日本菜嘅我哋嚟講，係一件好唔常見嘅事。今次一如既往，由朋友挑選幾間餐廳俾我揀，我就揀咗呢間吞拿魚丼飯專門店。雖然見到全場爆滿，亦有在港日本上班族食，但估唔到佢嘅招牌菜式比相像中普通，有啲失色，所以有少少失望。 💰$143藍鰭吞拿魚扒丼定食 🐟🍱話明係藍鰭吞拿魚專門店，朋友就緊係叫返個吞拿魚丼飯試下啦。咁啱佢揀嘅呢款魚扒定食有輕輕炙燒過，並唔係全生，所以我都試咗一兩片。本來以為佢可以幫我克服食生吞拿魚嘅關卡，但魚扒偏重魚味，半熟半生嘅口感我唔太喜歡，而且以呢個價錢計，片數唔算多，唔太抵食。 💰$98江户前天丼定食 🍱呢個天丼就好好多，平心而論，如果單評呢個丼，我覺得俾到四粒星。佢含兩隻炸蝦、兩件炸白身魚、兩款炸蔬菜同一隻炸溫泉蛋。天婦羅炸漿無特別調味，但勝在唔厚、炸得香脆，唔會淋晒。炸蝦夠大夠彈牙，蝦肉亦帶鮮味，唔錯。至於白身魚，口感比較煙韌，似魷魚嘅口感。蔬菜有一隻大香菇同一片紫蘇葉，香菇肉厚好jui
📍尖沙咀厚福街8號H8 6樓
呢日喺尖沙咀睇完牙，朋友放工過嚟陪我食晚飯。日本宣布咗排核廢水後，我哋都無食過日本嘢，對於好愛食日本菜嘅我哋嚟講，係一件好唔常見嘅事。今次一如既往，由朋友挑選幾間餐廳俾我揀，我就揀咗呢間吞拿魚丼飯專門店。雖然見到全場爆滿，亦有在港日本上班族食，但估唔到佢嘅招牌菜式比相像中普通，有啲失色，所以有少少失望。
[價錢 Price]
💰$143
藍鰭吞拿魚扒丼定食 🐟🍱
話明係藍鰭吞拿魚專門店，朋友就緊係叫返個吞拿魚丼飯試下啦。咁啱佢揀嘅呢款魚扒定食有輕輕炙燒過，並唔係全生，所以我都試咗一兩片。本來以為佢可以幫我克服食生吞拿魚嘅關卡，但魚扒偏重魚味，半熟半生嘅口感我唔太喜歡，而且以呢個價錢計，片數唔算多，唔太抵食。
[價錢 Price]
💰$98
江户前天丼定食 🍱
呢個天丼就好好多，平心而論，如果單評呢個丼，我覺得俾到四粒星。佢含兩隻炸蝦、兩件炸白身魚、兩款炸蔬菜同一隻炸溫泉蛋。天婦羅炸漿無特別調味，但勝在唔厚、炸得香脆，唔會淋晒。炸蝦夠大夠彈牙，蝦肉亦帶鮮味，唔錯。至於白身魚，口感比較煙韌，似魷魚嘅口感。蔬菜有一隻大香菇同一片紫蘇葉，香菇肉厚好juicy，我同朋友一人一半分咗嚟食，至於紫蘇葉呢，我個人就真係唔太喜歡，所以俾咗朋友食。溫泉蛋炸得外脆內流心，味香黃夠橙，好食。有一挑剔嘅地方就係啲飯好乾身，得好少天婦羅汁，唔肯定有無得向店員request。
值得讚下嘅就係麵豉湯、前菜同茶碗蒸，雖然每樣嘅份量都唔多，但麵豉湯唔會太鹹太淡、前菜有驚喜、茶碗蒸好滑，都算過得去。
張貼
