影片
更多
2024-02-12
142 瀏覽
之前喺三一餃子旺角店開店無耐已經介紹過，今次再去發現又有啲唔同，除咗多咗餃子嘅口味，店內牆上面都貼多咗好多海報，又提供日本清酒同啤酒可以嗌，都真係有少少日本餃子酒場/居酒屋嘅感覺~•🥢 韭菜蝦皮豬肉餃+黑白松露豬肉餃 (煎餃雙拼) $56+4呢到嘅煎餃係煎到好靚嘅冰花餃子，一面煎到薄脆，另一面保留返餃子皮嘅濕潤煙韌，所以次次嚟都忍唔住叫煎餃😂 今次叫咗雙拼，韭菜蝦皮豬肉餃好juicy，咬開爆晒韭菜汁，加埋蝦皮多咗陣鮮味; 而黑白松露豬肉餃更係我哋嘅必食推介，因為有白松露，所以食落黑松露嘅味道有中和到無咁濃郁同搶味，但依然好香濃松露味，而且味道仲好有層次～•🥢 泡菜芝士玉子燒餃子 $68落單嘅時候可以揀要唔要辣醬，我哋就揀咗一半要一半唔要😛呢款玉子燒餃子係上枱之後，店員會拎火槍出嚟燒熔啲芝士，店員都有提醒要盡快襯熱食，唔係啲芝士凍咗變硬就無咁好食！夾起仲有少少芝士拉絲😍 呢款都係煎餃，但可能因為有蛋同芝士就無煎到冰花煎餃咁脆，餃子係default配咗粟米豬肉餃，粟米粒好甜，配埋泡菜芝士都幾夾！ 但我同阿妹都認為唔加辣醬會好啲，因為辣醬嘅味有啲太搶，會蓋過晒餃子同芝士嘅味～
•
🥢 韭菜蝦皮豬肉餃+黑白松露豬肉餃 (煎餃雙拼) $56+4
呢到嘅煎餃係煎到好靚嘅冰花餃子，一面煎到薄脆，另一面保留返餃子皮嘅濕潤煙韌，所以次次嚟都忍唔住叫煎餃😂 今次叫咗雙拼，韭菜蝦皮豬肉餃好juicy，咬開爆晒韭菜汁，加埋蝦皮多咗陣鮮味; 而黑白松露豬肉餃更係我哋嘅必食推介，因為有白松露，所以食落黑松露嘅味道有中和到無咁濃郁同搶味，但依然好香濃松露味，而且味道仲好有層次～
•
🥢 泡菜芝士玉子燒餃子 $68
落單嘅時候可以揀要唔要辣醬，我哋就揀咗一半要一半唔要😛呢款玉子燒餃子係上枱之後，店員會拎火槍出嚟燒熔啲芝士，店員都有提醒要盡快襯熱食，唔係啲芝士凍咗變硬就無咁好食！夾起仲有少少芝士拉絲😍 呢款都係煎餃，但可能因為有蛋同芝士就無煎到冰花煎餃咁脆，餃子係default配咗粟米豬肉餃，粟米粒好甜，配埋泡菜芝士都幾夾！ 但我同阿妹都認為唔加辣醬會好啲，因為辣醬嘅味有啲太搶，會蓋過晒餃子同芝士嘅味～
張貼
