寶太郎 (已結業)

昨日早咗出門口返工，坐啱架巴士嘅車長啲技術又好，早咗好多到機場，想起未食過寶太郎，於是行去二號客運大樓試吓！點咗個基本嘢义燒拉麵，機場大多是購票自助形式，聽到號碼取餐後回到桌上，由於是員工所以有飲品有沙律，沙律和飲品不談都是普通貨色，只講拉麵，麵身煮得合格唔會太硬，有齊竹筍、芽菜、魚旦、粟米、鹵疍、紫菜亦是對版！不過啲义燒走咗樣！似扣肉多啲，食味嘟可以，湯底係白豬骨應該冇味精，因為冇乜味！下次試咖哩，唔知合唔合格。