爆丼屋 (已搬遷) 新店位置

今晚正當我喺旺角唔知食乜好嘅時候，見到琴晚仲裝修緊嘅爆丼屋竟然好神奇開咗舖！見到舖外嘅LCD果碗3色海膽飯勁吸引！諗住新開張應該可能有平，一打開menu，每碗飯最少$128起……海膽要$238……好貴……睇到眼都凸……最後我叫咗爆盛慢燒牛肉丼Small size，碗飯都幾多牛肉，牛肉燒到7成熟，不過由於係慢熱，所以啲牛肉唔係熱嘅，但牛味幾濃，又唔會有血腥味。牛肉上面分別淋咗蒜香燒汁同山葵忌廉汁，我就覺得山葵忌廉汁撈埋啲蛋汁一齊食最正！蛋汁令到啲牛肉同飯好滑好juicy，山葵汁有山葵味但唔辣唔攻鼻，反而帶點淡淡嘅甜味！同埋會跟一碗三文魚麵豉湯，味道鮮甜！所以哩碗飯絕對物有所值！下次試埋個海膽飯先！