小年糕 等級4 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2018-08-03
老公喜歡辣，就算我唔係「辣妹」，都捨命陪君子！ 辣吧位於尖沙咀，地點方便，早早book位，因為星期五晚通常多人食飯。 
餐廳主要食麻辣海鮮火鍋，都有即燒串燒，個人覺得價錢普遍比較貴。 
整個環境好有東北菜館的味道， 坐位間有一定距離，完全唔局促～ 
餐具都好有玩味風，自己找亮點吧！ 
是晚連同朋友一齊食飯，所以叫了每人二百幾價錢的麻辣海鮮鍋，而且選了小辣。 
鐵鍋上枱後再加辣湯， 對於不太能吃辣的我，小辣已經是我的大辣。 而老公及友人都話呢個小辣已經是普通菜館的中辣，大家就自己看著辦吧！ 
整體海鮮都很新鮮，食到海鮮本身的鮮甜味。 不過鍋內的海鮮全部是預先整熟再放上面，比我預期所想的食法有岀入。 而且加入鍋內的湯只有微暖，鍋底雖然有火温熱住，但真的只有温熱功能，根本不足以令到鍋內的湯沸騰，由頭到尾，海鮮都浸係温熱的湯內，好影響口感。 味道雖然不錯，但整個鍋卻完全無特色，對我來説，食一次就夠。
評分: 味道 3 環境 3 服務 3 衛生 3 抵食 2
2018-05-02
我覺得自己真係顛咗⋯ 竟然可以浪費1個鐘時間排隊買一杯抹茶珍珠🤦🏻♀️（排排下又唔甘心走人😤） 羊群心態，諗住咁多人排隊買，之前又見到好多報導或推介話好正好飲，所以趁住等朋友中間個空檔，自己又～ 
憑良心講 黑糖珍珠確實吸引，第一啖飲落去，底層黑糖醬濃郁，珍珠好Q彈，味道真心正，個下暗自爽緊無中伏。而且黑糖正正你我最愛，所以覺得都有90分！ 不過呢，溝勻抹茶後，整個味道落差一萬倍，好普通呀～ 首先茶味唔夠，抹茶味淡得過分，珍珠溝均後又失去黑糖味，整體失去吸引力，最後完全扣分，我覺得只可以用合格去形容，所以真係試一杯就夠🙄 無下次囉！
評分: 味道 3 環境 2 服務 2 衛生 2 抵食 2
2016-10-18
平日收工跟老公來到荃灣廣場的H&M，打算選購初生嬰兒服飾送給我的好朋友. 買完已經是晚上8點幾，原本打算到一田買刺身回家食，點知見到魚屋餐牌，價錢同款式都好鬼吸引，所以臨時轉軚坐低食完先歸家. 我倆點了2款丼物，2款都各自有配湯.
三文魚味未算突出，但味道很清甜，味噌湯不會太鹹，水準確實不錯。
 刺身份量很足，有三文魚、蝦、帶子、玉子、呑拿魚碎和海膽六款. 而且滿滿的一碗，絕對是誠意之作. 老公説味道方面中規中矩，三文魚油香不足，牡丹蝦肉質新鮮，海膽一塊鮮甜，另一塊就沒什味道，帶子最岀色，口感軟滑鮮甜.
 我就心儀海膽飯，但就略厭海膽只有4片份量有點少. 海膽色澤橙黃，賣相吸引，口感creamy清甜，而米飯採用日本米，粒粒飽滿，配住海膽同食味道一流. 如果海膽份量多一點就更Perfect.
開邊燒的花魚，味道有點鹹，感覺像一夜光，魚肉口感結實，味道平庸，可以不試。
評分: 味道 3 環境 3 服務 3 衛生 2 抵食 3
2016-09-04
其實商場以海膽手卷作招徠的壽司店有3間，這次就先試一下位於地下一層的「問卷？手卷專門店」
除了手卷，也有不少卷物選擇，價錢可為相當抵食 
海膽顏色橙黃，賣相吸引又討好，未吃已經流口水。 整體份量不少，而味道方面，沒有預期中有驚喜，雖然海膽食落幾creamy,但鮮味不足，壽司飯口感比較腍，感覺有點糊口. 但以這個價錢還是可以接受，也值得一試. 不過未必時常回頭.
評分: 味道 3 環境 3 服務 3 衛生 3 抵食 3
2016-05-01
跟朋友係西環一連串飲飲食食 想透透氣, 吹吹海風, 所以選左一間特色餐廳食晚餐.
新鮮的仙人掌原來汁液是一絲絲黏黏的, 爽脆的口感帶有一點點苦味, 不過配上新鮮的沙律菜、橙肉及沙律醋一同進食則可以完全遮掩仙人掌的苦味. 而用仙人掌富含鉀、鈣、鐵、銅, 有助降低血糖, 幫助腸胃消化是健康之選.
未吃已經增加食慾. 而食得出每一樣材料都很新鮮.
評分: 味道 3 環境 4 服務 4 衛生 3 抵食 3
|
0次成為首位寫食評會員
食評數目
編輯推介數目
0
會員推介次數
191
人氣指數
490
留言數目
上載相片
上載影片
我推介的食評
我的餐廳
關注
20
粉絲
118
