大煲皇煮廚 (荃灣)

只從當媽後, 屬於自己的時間就越來越少.
連好好食餐飯的機會都變得奢侈 (過來人總會明白我的苦)
就連紀念日都無大肆慶祝, 就選間近屋企的,跟hubby 來個碰杯暢飲已經覺得好爽
平時很常經過大煲皇, 但還是頭一次來
都是經同事說很抵食, 所以就過黎一嚐 (重點是近屋企)
餐廳地方寬落, 而閒日夜晚食客也不算少
放眼望去, 原來食蒸海鮮的人原來也不少





天寒地凍, 我們主要來是烚烚下,所以當然首選是火鍋放題
飲品是自取的, 所以喜歡什麼, 就自己取吧,不用客氣~
每枱會送刺身或家鄉五味肥鵝煲, 二選一
不知當日是撞什麼鬼, 竟然要了五味肥鵝煲
明明我就沒有很喜歡食鵝……



整個鵝煲可以食的肉不算多, 就是肥肉真的很多
但味道還可以, 反而粉葛更得我心
不過送的東西, 就沒有太大期望
下次再揀, 一定會選刺身~




湯底就選胡椒豬肚湯, 成個煲內有好多豬肚
同樣是送的還有 環球海鮮拼盆
海鮮款式都不少, 有蝦、青口、沙白、蟶子、蚌、龍躉肉
每款都是按人頭給我, 大概1~2件


拼盆內的海鮮真的很新鮮, 食得出的鮮甜
特別喜歡沙白及蚌肉, 沒有砂之餘, 入口甜味十足
再來就是最後一款送的手切安格斯肥牛
脂肪分佈平均，肉質入口幼嫩，牛味頗濃
這個很值推介, 我一個人幾乎掃左一大碟
老公在無得食靚手切安格斯肥牛情況下
點左肩胛肥牛, 有得對比下, 當然口感會覺得差一點點
但肩胛肥牛都唔錯, 唔會韌, 而且肉味都濃,比出面用的肥牛質素要好得多



其實餐廳送的款式同數量實在唔少, 食完都已經有7成飽
所以另外加添的款式都唔係多
而且白鱔同鮮蝦雲吞可以試, 白鱔肉質爽脆, 是回本之選
而鮮蝦雲吞味道比街外的好, 蝦肉好彈牙, 所以大家可以一試
最後將肚仔填到飽一飽, 
老公表示打邊爐必食出前一丁公仔面, 而且係正版
仲會有包麻油俾返你, 所以食完好鬼滿足.

醉胡爐 (尖沙咀)

晚上有飯局，就是令人有衝動快點完成手上工作的最佳動機
星期日都要工作是痛苦的, 所以做到準時收工後馬上去尖咀會合我的搵食朋友
今次佢帶我去少踏足的柯士甸路食火鍋
餐廳燈光比較昏暗, 環境帶有時尚感,
裝修很有格調得到店員的推介, 我地選左鮮椰青雞鍋HK$268
這個真的是可以試, 真材實料之餘, 味道真的超鮮甜
首先就是先用銅鍋炒香雞肉和椰肉
之後加上店家秘制的酒快炒
加完酒後, 整個酒香味撲鼻,即時流口水
再點火燃燒, 令酒精揮發之餘,可保留酒香味

最後加椰水和湯再滾起就可以食啦~
這個湯頭十分清甜, 很順口. 椰香味濃.
而且有微微的酒香, 湯底就咁飲都飲唔停口
而餐廳推出限定優惠款式, 三文魚刺身(HK$48)和象拔蚌刺身(HK$98)都好抵食
是必加的ITEM
象拔蚌刺身確實新鮮, 口感爽脆, 入口鮮甜. 比很多日式餐廳的刺身還要好味.
厚切三文魚最令人驚喜, 新鮮肥美, 口感更肥美甘香, 相當唔錯
醉胡爐酒泡鮑魚 HK$88
鮑魚味道有濃濃的麻油香味, 食得出用醬料烹調過,口感煙韌有咬勁




胡爐牛拼盆(大) HK$468
這個拼盤份量不算少, 而且款式共有5款, 包括牛舌芯、日本和牛、金錢展、牛粒和牛白肉 
原本拼盆是配極上手切肥牛, 但後來改了牛白肉給我們



日本和牛. 脂肪分佈平均，肉質入口幼嫩，牛味頗濃
金錢展 , 賣相以為好韌，但原來好爽口，只要控制滾的時間剛好就會變得易咬, 但又有牛味, 堅正!!


牛白肉未熟時樣子看似急凍魚肉質地, 但只需要”滾”6秒,
熟透後口感爽脆. 越嚼越有牛油香黑松露墨魚丸(半份) HK$ 49, 自製西洋菜餃HK$44
餐牌中有不少火鍋配料，有海鮮類、丸類、肉類和蔬菜等
必食的手打丸相當出色,  黑松露墨魚丸口感爽口彈牙又滲菌香
西洋菜餃, 西洋菜味很濃, 不過個人認為味道普通


特別推介這裡自家製的黃金魚皮 HK$ 88, 分分鐘好味過新加坡隻好出味的鹹蛋黃炸魚皮
魚皮普遍比較大塊又厚身，質感好夠脆, 
而且是鹹蛋黃是即叫即做吧, 仍然食到有點微濕.
仲有食得出鹹蛋黃味道同質感，食落鬆脆, 真的好正.

Dodam Chicken (銅鑼灣)

發現原來已經有一段好長時間都沒有食韓國菜了，之前聽過Dodam Chicken的炸雞烤雞都幾出名，所以與好友來這裡晚飯。店面很寬敞，安排在卡位坐，環境令人舒服。
餐牌選擇都多，單是炸雞和烤雞已有十多款，還有各種韓式美食可選擇。

香蒜焗烤雞HK$178賣相及份量亦滿意。雞肉仍保持嫩滑，帶有蒜香味之餘，味道甜甜地，很惹味！最重要是吃完之後，不覺得很油膩！雖然今次沒有試到炸雞，但試完這裡的烤雞的確覺得不錯。
醃蘿蔔加了很多糖，所以甜度高，帶微香，可以中和之前的香蒜濃味。
由於烤雞的份量都算大，兩個女生吃完後，基本上已經很飽滯。但光吃肉實在太邪惡，叫了一碟沙律來消消滯。
招牌沙律 HK$128沙律最講求新鮮，而這裡的沙律很爽口，加入麻醬，再加上花生、腰果、提子乾、菠蘿等，香脆之餘又有嚼口，口感很豐富。
Blueberry yogurt smoothie HK$65 Smoothie很順滑，酸甜適中，解渴解膩一流！

牛の鍋日本料理 (荃灣)

天氣凍食日本菜真係挑戰極限, 想同時又食熱辣辣的菜式
樣樣都想試少少, 所以放題就係不二之選, 大眾化之餘，選擇性又高



牛之鍋就是火鍋和日本菜的二合一餐廳
一個價錢, 二種選擇, 喜歡熱食或凍食的人都可以各取所

未食之前, 可以去醬料吧幫自己調配喜歡的火鍋調味料 
醬料及配菜選擇屬於正常, 我就最愛於鼓油內加上大量蔥花.


餐廳採用半開放式自取食物, 有關火鍋的配料除了肉類、丸類及海鮮類是填紙入單之外,
蔬菜及麵類都可以在餐廳中間的吧台上自選
吧枱上有形形色色的蔬菜類, 款式選擇都不少
汽水櫃位於餐廳入口處, 可以自己去雪櫃內自取喜歡的口味
美國牛肉
美國極上牛肉
分別點了2款牛肉, 就是美國牛肉和美國極上牛肉,每碟分量不算少, 2個人食會覺得有點多.
個人比較喜歡美國極上牛肉多一點, 口感比較有咬感,沒有太多脂肪, 而且肉味也較突出.
海鮮方面, 墨魚滑、蠔和海蝦都很不錯.
墨魚滑幾爽口, 有彈性, 而海蝦也是我不斷encore的必食火鍋配料.
丸類選擇不算多, 但就有唔少特別的丸類款式,例如: 墨汁墨魚丸、粟米流心丸、黃金麻吉燒等等…..
試左粟米流心丸, 內面流心的味道似忌亷粟米湯,味道都唔錯架.
之後再點了刺身, 刺身方面只是略略點了幾款,包括有三文魚、赤貝、鮑片、帶子、北寄貝、甜蝦、螺肉.
刺身均為厚切, 刺身都以冰墊底,KEEP住低溫新鮮度。特別係甜蝦, 鮮甜肥美, encorn左好多隻.



呢度有多款特色創作壽司, 壽司細細舊, 食多幾件都唔會咁快飽
壽司上既食材同樣都很新鮮, 入口有豐富口感
最後到我最期待的即叫即做甜品出現啦, 榴槤班戟細細一件,兩口就可以食完
內埋的榴槤果肉很足料, 配上綿滑的cream,真係好好味.
如果喜歡食榴槤的人就唔可以錯過榴槤甘露, 味道是超級濃郁的榴槤香
配上大粒西米, 很有咬口, 我一個人就食左兩杯
必食的宇治抹茶芭菲同新地, 小小的一杯做到層次分明 , 抹茶味還算濃郁
茶香係嘴內裡久久不散 , 比較推薦給一眾抹茶控

滿屋日本料理 (荃灣)

兩個女仔食飯食咩好呢?
約左好朋友飯聚,而朋友於荃灣返工. 所以順理成章就於附近搵野食
吃過其他分店的滿屋, 放題質素不錯, 所以今次就選荃灣的分店.


餐廳環境不錯, 裝修很有格調, 而店內面積也很大
大部分的座位都是以方枱為主,可以更彈性及自由配搭座位, 就算一大班朋友聚會也沒有問題飲品都係自取, 可以於雪櫃內挑選, 款式選擇蠻多另設有食物吧枱, 有不少熟食供選擇. 當日有蝦餃、豬手和冷盤凍豆腐、吞拿魚沙律等等…甜品設於入口處, 有不少精美的甜品
眼看甜品款式有最少5-6款, 每款都細細一件,可以一次過嘗到不同的甜點.
個人比較喜歡馬卡龍, 味道沒有外面賣的那麼甜. 設有自助雪糕機, 這部機受歡迎程度是當日每次都有人排隊拎雪糕首先先來品嚐一下刺身, 這裡的刺身很新鮮, 完全沒有雪味. 壽司方面每款都是細細一件,精緻又美味.食完不會令人太飽.
最愛火炙壽司, 特別是火炙三文魚壽司, 魚肉入口有即溶效果, 魚油甘香濃郁.之後就進軍小食, 推介大家要試一下蒸粉絲帶子, 味道跟大排檔的水準有的比
反而辣酒煮花螺就比較遜色, 螺肉不入味之餘也有點硬.炸物會首推芝麻雞翼, 香脆得來又不會炸得太乾
而炸榴槤更是我每次到放題都必吃的, 這個有流心的效果, 很讚!!

 不得不提大家要試一下手調的飲品, 顏色有漸層效果, 而且超美的.
味道不過不失, 可以試一試另一個角落更設有爆谷機, 大小朋友都不可以錯過.雖然已經好飽, 但最後當然要食埋個雪糕先夠完美.
店內每人會送一杯雪糕, 可以選Haagen-Dazs或MOVENPICK雪糕