traciDEfleur 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2022-05-29
第一次到南記食海鮮,一食難忘。 先講服務同環境,環境就真係麻麻,坐得迫,叫人要等好耐,而且無人換碟,有唔見order, 要催促兩三次。呢d 可能係冬菇亭文化。。。 食物係自己買海鮮,所以品質同飯店無關,至於加工海鮮,咁就可以詳細講下,味道係好正,有粉絲元貝,脆皮焗龍蝦,鹽焗蟹,瀨尿蝦,海蝦,炒聖子。 炒聖子加左米粉底,好惹味,不過偏咸 海蝦。。。白灼,鮮甜,因為d 海鮮本身夠靚 瀨尿蝦係椒鹽整,幾ok, 蝦肉好甜,不太咸,食到海鮮本身的鮮甜 鹽焗蟹,第一次食,味道好正,介紹大家未試過一定要試,人生必食一次 脆皮芝士焗龍蝦,個芝士皮做得好正,一定要試,個龍蝦肉反而麻麻無預期咁鮮甜,可能個脆皮芝士搶左鏡,不過真心覺得呢個做法值得一試 評分: 味道 5 環境 3 服務 3 衛生 4 抵食 5
2022-04-01
等了幾星期,終於開門了,之前一直想試,但因為疫情暫停營業,今日經過,見到佢有開門,第一時間lunch 轉食天丼。- 我叫左江戶前天丼,因為我樣樣都想試,等左十零分鐘,個天丼就放左係我面前,好香呀! 有炸穴子,分量比我想像中大,有兩隻炸蝦,一片海苔,小柱墨魚天婦夢同。。。。支豆,同流心蛋,店入面有教,話食到一半先吉穿隻蛋拌飯食。 個set 有跟面鼓湯同兩仲小配菜,小配菜係蘿白同酸薑。 試食個蝦,好脆,我連蝦尾都唔放過。,食埋! 個脆漿係有味架,小小咸 至放海苔,支豆,ok 小柱墨魚天婦羅,我就麻麻地鍾意,無咩特色,返面我鍾意食蔬菜天婦羅多d 至於穴子。。。好味嘅,不個脆漿有d 厚,所以有點太膩,又有可能我太飽, 食到一半,我係有吉穿隻蛋,不過可能我食得慢,d 飯唔夠熱。。。所以呢個食對於食得慢嘅人可能不適用 個份量係大嘅,因為炸野,好飽肚,我係食唔哂碗飯,仲有個飯係加左個汁,幾好味。 下次會再食其他天丼, 推介美食: 江戶前天丼 評分: 味道 5 環境 5 服務 4 衛生 5 抵食 5
2022-03-22
我無想過食個羅宋湯飽成日。。。。 早前,去了試羅宋湯,點餐時好掙扎,覺得叫個77蚊,一碗湯,一個甜餐包仔同一個薯仔沙律點會飽呀,食完先知。。。我飽足成日,如果嗌一個湯加豬扒包。。。咁可能飽足兩日 好啦,個湯係好飲,足料,我叫了牛腩羅宋湯,有三大粒牛腩,好多菜,不過牛腩比較硬,唔開。同個湯係有小小油,減肚人士要注意。 薯仔沙律好味!我好鍾意。 餐包好standard.係暖嘅,不過真係無特別 下次會試下豬脾仔肉湯。 注意份量睇落唔多但我十二點飽到下午六點,所以係好飽肚。 另外77蚊,係有小小貴嘅。。。。 評分: 味道 4 環境 5 服務 5 衛生 4 抵食 4
|