日航咖啡室 (尖沙咀)

多年前我地一夥人有人生日都經常來此吃 buffet, 皆因當年的食物很出眾, 特別讚的是甜品, 每次來都吃得很滿足…
至前 2-3年再光顧, 沒想到沒有生豪, 其他食品都退步了, 連甜品都不濟, 不是過甜就是酒味極重, 差了很多…之後都沒再光顧了….

今次再來日航, 是因為正日生日果位全免, 其他人用匯豐卡 8 折, 加一仲係計折後加, 咁抵就又比個機會試下, 希望能拾回昔日的驚喜吧…..

一坐下就有 waiter 每人送上一杯橙汁, 應該不是鮮窄的

冷盤海鮮有4款 :
青口 – ok 唔 un, 但亦唔夠好鮮味
長腳蟹 – 我無食, 友人話幾好, 都鮮甜
雪蟹 (個樣係嘉菲蟹) – 得個咸字, 完全無鮮味, 肉質也不是很實正, 同上次去 JW 食差好遠, 應該是不夠新鮮唔掂呀!
翡翠螺 – 無食

魚生柜由師傅手切, 有6款 : 甜蛋, 八爪魚 同吞拿魚我都無食
帶子 – 好大隻, 好新鮮\, 每次比得一粒, 8點後想再取, 話無晒唔再出攪錯呀, buffet 出得咁少貨
唔知係咪雕魚 – 都幾好食,
三文魚都唔錯, 都切得厚, 一次比成6片

炸物方面:
吉列蝦炸得香口鬆脆, 蝦亦新鮮彈牙, 唔錯
旁邊的炸帶子餅味道亦幾好, 可惜係淋左, 唔夠脆身
仲有其他天婦羅炸物, eg. 鮮菰, 茄子等等, 我個胃空間有限無食到

熱葷: 好多選擇, 亦係是晚比較出色的類別, 很多款味道都不錯
鐵板果邊有師傅注場, 有即煎鵝肝, 煎得非常好, 外脆內軟, 油份咁香, 好正, 我食左 2轉, 鐵板前有款黑松露醬汁, 記得淋在鵝肝面好吃得多
仲有黑松露鐵板牛肉粒同菰一齊炒, 呢個唔掂, 牛完全無牛味, 很淡口又無牛香, 我比唔合格佢

旁邊有印度薄餅同拉茶, 我同友人都無食

鐵板隔離有架扒車, 師傅即切肉眼扒., 友人吃了, 說 ok……但師傅自 8點3左右就唔見左 , 而扒車蓋都閂埋左, 我唔係想食, 無開黎睇, 唔知仲有無扒係裡面 會唔會好似帶子刺身咁, 又係斷貨呢

再行過 d 就係熱葷區, 有長法包自己切, 我切了一小片諗住拌鵝肝吃, 但係好 un, 皮唔脆的, 不好吃, 結果我就取了些菠蘿, 士多啤梨伴著鵝肝吃, 很多時左外邊吃鵝肝頭盤, 都會配一些帶酸的汁, 減少油膩感
講起士多啤梨, 友人約 8時取就很多,,,到 8時半後我取時只剩一粒, 再之後都無出過 士多啤梨都無 refill, 食 buffet 咁係唔過引的

這邊的熱葷都幾多款, 我不是全部試齊
黑松露牛仔肉 : 食落似豬柳, 一點都不似牛, 用忌廉白汁燴, 汁味香濃只是略咸一點, 都可接受
牛仔骨 : 無乜特別, 都淋的, 味道都可以
芝士焗米多 : 即係帶子粒, 每只入面約有 4 粒約比5毛子細少少的帶子肉, 芝士味都夠濃, 底下是白汁底, 帶子都爽口, 原來訂座是說有芝士焗蠔, 是晚全無蹤影, 可能無貨用帶子取而代之吧
黑松露龍利魚卷 : 這個又是好吃, 魚都很滑, 中間卷著一隻很爽口的蝦, 都是用忌廉汁煮成, 味道很好, yummy
又取了一個黑松露燉蛋, 蛋很滑, 有些少似布甸, 黑松露味仍然吃不出
另外有一個羊肉串, 友人說很鞋, 唔掂
仲有關東煮, 我們都沒試

友人於生滾檔烚了一砵海鮮回來, 蝦及細細隻的聖子都幾鮮, 可是細細的賴尿蝦, 肉質霉, 應該又是不新鮮所致

近雪糕附近有 2 個熱葷,
一個係松露炒帶子蝦仁, 都幾好吃, 雖然同其他菜式一樣, 吃不出黑松露到底是什麼味道, 就當他是普通小炒都炒得不錯
另一樣是騏驎斑塊夾, 這個很出色, 魚滑得很, 味道亦很好, 很讚

cafe中間就有冷盤, 壽司, 凍肉等, 我全部都無食….因為食左太多熱野, 已經好飽
只係食左杯黑松露蝦啫哩凍, 都幾得意, 面頭放左黑松露, 係其他菜式都食唔出黑松露究竟係咩味, 就係呢杯內, 可以只係筆 d黑松露黎試真佢….都係一d 菰菌味, 可能唔係靚野, 唔覺有咩特別香味
松露什菌凍, 都係差不多的東東, 啫哩裡有些什菌, ok la

甜品款式都幾多,全部細細件放係柜內, 個柜係放係檯上, 矮少少都拎唔到最頂層果 D
好多朱古力味…
Tiramisu ok,
黑朱古力慕思底白朱古力慕思面, 白朱很甜, tiramisa 旁的黑朱比再隔離的濃味, 而且底有粒黑cherry, 呢個唔錯,
另一方形黑朱慕思底上面唔知係咪味青寧慕思, 酸酸地幾醒神
有杯似橙味布甸, 味道都唔錯
還有黑朱布甸, 上面的是軟心朱古力粒好有朱古力味,不是很甜
中間藍莓 tart 可以, tart 底鬆脆…
即焗金寶蘋果撻, 底是一片片煮過的蘋果,
仲有蕉糖燉蛋樣都好靚, 但我無食
雖然沒初次來此 cafe 時吃到的那份驚喜, 但味道都唔錯的

之前見網評係哈根大士雪糕, 但係我地果日變左 齋亞士 ,,,唔知係咪做左黑松露要係雪糕度慳返, 好似有 4-5 種味, 仲有軟雪糕, 豆腐花, 我已經好飽全部無食到

餐後包一杯飲品, buffet 至到 9:30, 到呢個時候 d waiter 已經好忙咁趕住收野埋數, 感覺不太好, 似去左大排擋 哈哈

用完折扣後, 每人圍起 285元左右, 以呢個價錢都可以, 但如無折要4百3蚊就唔選佢啦, 因為海鮮唔得 　

北海道活壽司 (旺角)

很久前光顧過這店一次, 印象中都幾好的, 上次來到時門口人山人海的等位, 都等了頗久才有位
今次於晚上7時多在對面街看過去, 奇怪沒有人在門口等位的, 行到過去, 真的不用等即時有位

這裡的綠茶是用茶包的不是用綠茶粉, 當然不太好, 茶沒味道的.....

由於很肚餓, 一坐下迴轉位即取了 :

特上海鰻壽司 (銀碟好似 $26/2件 ): 中間卷著一粒三文魚都幾大粒 + 青瓜, 卷上就蓋上一大塊鰻魚, 這個都幾好吃, 都幾大件 飯就沒元氣做的那麼好

接著再吃了以下東西 , 迴轉上放來放去都是得幾款壽司, 很多都是下單叫的

特上凡立貝壽司(不知真名是不是這樣) (金碟好似 $28/2件 ) : 組合與上面的鰻魚壽司很似, 就是鰻魚換成凡立貝刺身, 刺身上一件放了蟹子, 另一件就放上海膽, 這個都不錯哦

東味灸燒三文魚壽司 ($13/2件) : 即是用鹽燒那款, 鹽放得不均勻, 三文魚一邊過咸, 一邊就沒什麼調味, 一般吧, 我較喜款元氣那款用沙律醬燒的, 這間的西味(沙律醬燒) 我就沒試過

軟殼蟹手卷 ($18/件) : 好吃, 紫菜脆卜卜

芒果三文魚卷 ($26/3件) : 每件卷上蓋上一半三文魚一半芒果片, 中間忘了是什麼, 味都 ok 的

北寄貝壽司 (好象是 $22/2件) : 沒什特別, 很一般

燒牛舌 ($13) : 有5小片, 薄薄的, 由於我本身喜歡吃牛舌, 我覺得 ok 的

日本燒蠔 ($26/隻) : 一隻連殼上的燒蠔, 用了很多蛋黃醬包裹著全只蠔, 其實蠔的 size 只有尾指般長, 黃黃的醬汁看上去很香哦, 先挑一點醬放入口先, 嘩 ! 咸到苦, 勁咸, 真係未食過咁難食, 再挑起蠔吃, 蠔就不咸, 但占著蠔的醬真咸得要死

8:30 了, 師傅揚聲有特價燒三文魚鮫 ($18/個), 要就舉手, 我要了一份, 這個幾好吃
上次光顧時又是有這個

總括而言, 沒元氣的材料那麼新鮮, 但亦不至於太差吧, 服務就麻麻, 店員都不太禮貌, 經常在我倆之間伸隻手埋來收碟

店內有隻蒼蠅在迴轉位飛來飛去, 做壽司的衛生應要求比較高, 這個難以接受
而且所有做壽司的師傅全部沒戴口罩的, 做好的壽司遞給店員分比客人時就在上面說話, 又沒有蓋蓋著壽司, 那口水不是落晒去嗎 ?!

叻哥茶餐廳 (沙田)

前2天到這裡吃晚飯, 不知點什麼好, 看看下餐牌, 就想試那個鐵板西冷扒 $42 元

餐湯 : 粟米忌廉湯 或 泰式酸辣湯
我要了 "粟米忌廉湯" - 一點都吃不出是忌廉湯, 用粟米奶油湯比較貼切, 湯面還有一層油份左上面, 當然是無什味道的, 就像小時候在大排檔吃的西湯

鐵板西冷扒跟了洋蔥汁 - 忘記了有沒有寫是澳洲的了, 下單時侍應沒問要幾成熟, 來了後我才醒起什的沒問我要幾熟的呢, 放在面前的扒當然是全熟 肉質與大家樂的差不了多少, 都是用東西將之"拿"至全無肉質可言, 又一點牛味都沒有, 很差勁
我要求跟意粉, 來到的意炒是白烚的, 一點汁又沒有, 後來我要求侍應多拿一份汁給我伴意粉吃, 都很快拿來, 服務是ok 的

餐飲 - 要了杯凍圓肉紅棗茶 +3 元

此餐廳轉了餐牌後, 我去過一次, 食味已不及從前, 所以很久沒去了,

今次再光顧, 仍然是失望, 相信有排都不會再光顧了

Sabatini 意大利餐廳 (尖沙咀)

睇咗呢度食評都幾讚, 早幾日搵到藉口就去試咗個晚餐

覺得唔值得用呢個價錢, 食呢餐飯...

環境就唔錯, 但服務就好一般,
主力 serve 我地果邊果幾張table個 waiter 全程無表情,
同佢講野無反應, 我覺得佢態度非常唔得 其他人就好DD

原來呢度D 水係無得免費供應, 要另外比$ 叫架, 要咗礦泉水1支 $80
我地2個都叫咗個 set...

頭盤係 Deep-fried stuffed Zucchini Flowers with Langhirano Ham
個 Ham 都幾咸下

湯呢2選1, 我地要咗 Sautéed Mussels and Clams with Fresh Tomato, Chili and Bread Croutons
呢個唔錯, 幾鮮味, 青口一D都唔 un, 蕃茄湯底酸酸地幾開胃

First course 係 Spaghetti with Italian Smoked Pork Cheek, Tomato, Onion and Pecorino Cheese
呢個普通,到咩咁, Spaghetti House 果D好食過佢,
佢除咗肥豬肉 (似中國肥臘肉)同茄醬+意粉仲有芝士味外就無其他野...D肉真係粒粒肥到死 好似食淨麵咁

Main Course 2選1, 我地各選1樣試下
要咗一個鱸魚, 鞋嘅....唔好食
另一份要羊架, 要 medium, 黎到我估有 8 -9 成熟, 一D血都無, 粉紅色都係得少少, 好明顯係Overcook, 好彩都唔鞋, 裡面都林林地, 但係個面又無煎香到….好普通, 一般西餐廳甚至我都整得好過佢, 唔值係度食

Dessert: Traditional Roman Trifle
呢個好離譜, 成舊都只係有少少酒味嘅Cream, 底層夾咗少少吉士Cream同幾片生果, 上面酒D杏片….
無特色, 感覺好求其, 搵笨咁, 食Cream 唔使係度食啦

Drink 就要Cappuccino…都唔得, 唔香嘅

用咗 $1800, 呢個價錢一D都唔值得係度食, 食味好普通, 服務一般, Chesa 比佢好好多